CHURCH NEWS

ശക്തമായ പ്രതിഷേധവുമായി കാത്തോലിക്ക കോണ്‍ഗ്രസ്

2024-06-08

യേശുക്രിസ്തുവിന്റെ  ചിത്രത്തെ വികലമായി  അവതരിപ്പിച്ചതിനെതിരെ  ശക്തമായ പ്രതിഷേധവുമായി കത്തോലിക്ക കോണ്‍ഗ്രസ്. ക്രിസ്തുവിനെ ഇനിയും ക്രൂശിക്കരുത് എന്നും ക്രൈസ്തവ സമൂഹത്തെ അവഹേളിക്കുന്ന വ്യക്തികള്‍ക്കെതിരെ പോലീസ്  ഉടന്‍ നടപടിയെടുക്കണമെന്നും കത്തോലിക്ക കോണ്‍ഗ്രസ് ആവശ്യപ്പെട്ടു.

സമൂഹത്തില്‍ ഒരു കുറ്റകൃത്യം നടന്നതായി അറിഞ്ഞാല്‍ പോലീസ് കേസെടുക്കണം എന്നതാണ് ക്രിമിനല്‍ നിയമത്തിന്റെ അടിസ്ഥാനം. കാരണം ക്രിമിനല്‍ കുറ്റം സമൂഹത്തിനെതിരായ കുറ്റകൃത്യമാണ്. ക്രിമിനല്‍ കേസിലെ വാദികള്‍ സര്‍ക്കാരും. എന്നാല്‍ ക്രൈസ്തവ സമൂഹത്തിനെതിരെ മതസ്പര്‍ദ്ദ ഉളവാക്കുന്നതും ക്രൈസ്തവ പ്രതീകങ്ങളെയും വിശ്വാസത്തെയും അപമാനിക്കുന്നതുമായ പോസ്റ്റുകള്‍ സോഷ്യല്‍ മീഡിയയില്‍ നിറഞ്ഞിട്ടും അനങ്ങാപ്പാറ നയം നടിയ്ക്കുന്ന പോലീസ് സംവിധാനം എന്തിനെന്ന് സംശയിക്കേണ്ടിയിരിക്കുന്നു എന്ന് കത്തോലിക്ക കോണ്‍ഗ്രസ് ചൂണ്ടിക്കാട്ടി. തൃശ്ശൂരിലെ തിരഞ്ഞെടുപ്പു ഫലവുമായി ബന്ധപെട്ടു യേശുക്രിസ്തുവിന്റെ  തിരുഹൃദയ ചിത്രത്തെ വികലമാക്കിയും കത്തോലിക്കാ വിശ്വാസത്തിന്റെ അടിസ്ഥാനമായ  ത്രിത്വത്തെ അപമാനിച്ചു കൊണ്ടു അസ്സിസ് എന്ന വ്യക്തിയും അതില്‍ നിന്ന് ആവേശമുള്‍ക്കൊണ്ട് വീണ്ടും ക്രിസ്തു ചിത്രത്തെ അപമാനിച്ചും ക്രൈസ്തവ വിശ്വാസത്തെ അവഹേളിച്ചും  ഇടതു സഹയാത്രികനായ റെജി ലൂക്കോസ് എന്ന മാന്യ ദേഹവും സോഷ്യല്‍ മീഡിയയില്‍ നിറഞ്ഞാടുമ്പോള്‍ പോസ്റ്റുകള്‍ പിന്‍വലിച്ചു എന്നത് ചെയ്ത തെറ്റിനെ സാധുകരിക്കുന്നില്ല എന്നും ശക്തമായ പ്രതികരണവും പ്രതിഷേധവും ക്രൈസ്തവ  വിശ്വാസികളുടെ ഭാഗത്തു നിന്ന് ഉണ്ടാവുമെന്നും കത്തോലിക്ക കോണ്‍ഗ്രസ് അറിയിച്ചു.



VIDEO NEWS

കണ്ണീര്‍ക്കടലായി നെടുമ്പാശ്ശേരി വിമാനത്താവളം കുവൈറ്റ് ദുരന്തത്തില്‍ മരിച്ചവരുടെ മൃതദേഹങ്ങള്‍ കേരളത്തില്‍ എത്തിച്ചപ്പോള്‍ ...വികാരനിര്‍ഭരമായ കാഴ്ചകള്‍

അമേരിക്കയും റഷ്യയും വന്‍ ഏറ്റുമുട്ടലിലേക്കോ മുന്നറിയിപ്പുകള്‍ അവഗണിച്ച് റഷ്യന്‍ യുദ്ധക്കപ്പലുകള്‍ ക്യൂബയില്‍

പള്ളിക്കൂടം പണിയാൻ ആരെങ്കിലും ആഗ്രഹിക്കുന്നെങ്കിൽ അത് സ്വാഗതാർഹം..പക്ഷേ ക്രൈസ്തവരുടെ സംഭാവനകളെ തിരസ്‌കരിച്ചുകൊണ്ടാകരുത്...നിലപാടറിയിച്ച് മാര്‍ ജോസഫ് പാംപ്ലാനി

"LITTLE HEARTS"... ക്രൈസ്തവ അവഹേളനത്തിനെതിരെ ആഞ്ഞടിച്ച് KCBC

അന്തിമതീരുമാനം അറിയിച്ചുള്ള മേജർ ആർച്ച്ബിഷപ്പിന്റെ സർക്കുലർ ... വാസ്തവമെന്ത് ?

വികൃതമാക്കിയ ക്രിസ്തുവിന്റെ ചിത്രം ട്രോളിനായി ഉപയോഗിച്ചതില്‍ ഖേദം പ്രകടിപ്പിച്ച് റെജി ലൂക്കോസ്