GENERAL NEWS
പന്തീരാങ്കാവ് ഗാര്‍ഹിക പീഡനക്കേസ് യുവതിയുടെ അച്ഛന്‍ രംഗത്ത് മകള്‍ മൊഴിമാറ്റിയത് സമ്മര്‍ദ്ദത്താല്‍
2024-06-11
കോഴിക്കോട്: പന്തീരാങ്കാവ് ഗാര്‍ഹിക പീഡനക്കേസില്‍ മകള്‍ മൊഴിമാറ്റിയതിന് പിന്നാലെ പ്രതികരണവുമായി യുവതിയുടെ അച്ഛന്‍ രംഗത്ത്. മകള്‍ മിസ്സിംഗ് ആണെന്ന് അറിഞ്ഞത് ഇന്നലെയാണെന്ന് അച്ഛന്‍ മാധ്യമങ്ങളോട് പറഞ്ഞു.
മകള്‍ മിസ്സിംഗ് ആണെന്ന് അറിഞ്ഞത് ഇന്നലെയാണെന്നാണ് യുവതിയുടെ അച്ഛന്‍ മാധ്യമങ്ങളോട് പറഞ്ഞത്. മകളുമായി ശനിയാഴ്ച വരെ സംസാരിച്ചിരുന്നു. ഞായറാഴ്ചയും തിങ്കളാഴ്ചയും ഫോണ്‍ സ്വിച്ച് ഓഫ് ആയതിനാല്‍ ഓഫീസിലേക്ക് വിളിക്കുകയായിരുന്നു. അപ്പോഴാണ് മകള്‍ അവിടെ ചെന്നിട്ടില്ലെന്ന് അച്ഛന്‍ അറിയുന്നത്. മകള്‍ അവരുടെ കസ്റ്റഡിയിലാണെന്നും അവളെ സമ്മര്‍ദം ചെലുത്തി പറയിപ്പിച്ചതാണ് ഈ മൊഴി മാറ്റം എന്നുമാണ് യുവതിയുടെ മൊഴി മാറ്റത്തില്‍ അച്ഛന്‍ പ്രതികരിക്കുന്നത്. മകള്‍ നഷ്ടപ്പെടാന്‍ പാടില്ലെന്നും മകളുടെ വീഡിയോ കണ്ടപ്പോള്‍ മനസ്സ് പിടഞ്ഞുവെന്നും അച്ഛന്‍ പ്രതികരിച്ചു. എന്നാല്‍ യുവതി പ്രതിക്കനുകൂല നിലപാടുമായി നടത്തിയ പ്രചരണം പൊലീസ് അന്വേഷണ സംഘം ഗൗരവത്തിലെടുത്തില്ല. ശരത് ലാലില്‍ നിന്നു ഇന്ന് മൊഴിയെടുത്ത ശേഷം രണ്ടു മുതല്‍ അഞ്ചു വരെയുള്ള പ്രതികള്‍ക്കെതിരെ കുറ്റപത്രം സമര്‍പ്പിക്കാനുള്ള ശ്രമത്തിലാണ് പോലീസ്. എന്താണ് സംഭവമെന്ന് പൊലീസ് അന്വേഷിക്കുന്നുണ്ട്. അതേസമയം വിചാരണയ്ക്കിടയില്‍ പരാതിക്കാര്‍ കോടതി മുന്‍പാകെ മൊഴി മാറ്റി നല്‍കുന്നതേ പൊലീസ് ഗൗരവത്തിലെടുക്കൂ എന്നാണ് പൊലീസ് പറയുന്നത്. ഇതിനിടയില്‍ തനിക്കു പരാതിയില്ലെന്ന് പറഞ്ഞു പ്രതിഭാഗത്തിനു സത്യവാങ്മൂലം നല്‍കി.
ഷെകൈന ന്യൂസ്
കോഴിക്കോട്
News
ഇന്ത്യക്കെതിരെ ചൈനയുടെ ചാരവൃത്തി, തുറന്നു പറഞ്ഞു പാക് പ്രതിരോധ മന്ത്രി
ഇരട്ടി മധുരത്തില്‍ കേരള സഭ; പാപ്പയില്‍ നിന്നും പാലിയം സ്വീകരിക്കാനൊരുങ്ങി ഡോ. വര്‍ഗീസ് ചക്കാലക്കല്‍
ഖമേനിക്ക് മുന്നറിയിപ്പുമായി ട്രംപ്
കെ എസ് ഇ ബി സ്മാര്‍ട്ട് സെക്ഷന്‍ പദ്ധതി തുടങ്ങുന്നു; തെരഞ്ഞെടുത്ത സെക്ഷനുകളില്‍ ആദ്യഘട്ടം നടപ്പാക്കും
സൂംബ പദ്ധതിയുമായി പിന്നോട്ടില്ലെന്നും സ്‌കൂളില്‍ വ്യായാമം ചെയ്യുന്നത് യൂണിഫോമിലായിരിക്കുമെന്നും മന്ത്രി ...
135 അടി പിന്നിട്ട് മുല്ലപ്പെരിയാര്‍ ജലനിരപ്പ്; ഇന്ന് സ്പില്‍വേ ഷട്ടറുകള്‍ തുറന്നേക്കും
കര്‍ത്താവുമായുള്ള സൗഹൃദമാണ് പൗരോഹിത്യത്തിന്റെ അടിത്തറ: പാപ്പ
സംസ്ഥാനത്ത് മഴ തുടരുന്ന സാഹചര്യത്തില്‍ വിവിധ ഡാമുകള്‍ തുറന്നു
