GENERAL NEWS

തീപിടിത്തത്തിന് കാരണമായത് ഷോര്‍ട്ട് സര്‍ക്യൂട്ട്

2024-06-14

മംഗഫ് ലേബര്‍ ക്യാംപിലെ ദുരന്തത്തിനിടയാക്കിയ തീപിടിത്തം വൈദ്യുതി ഷോര്‍ട്ട് സര്‍ക്യൂട്ട് കാരണമാണെന്നു സ്ഥിരീകരിച്ച് കുവൈത്ത് ഭരണകൂടം. ഫ്‌ലാറ്റിനുള്ളില്‍ മുറികള്‍ തിരിക്കാനായി ഉപയോഗിച്ചിരുന്ന അതിവേഗം തീ പടരുന്ന വസ്തുക്കളായത് മരണസംഖ്യ വര്‍ദ്ധിക്കാനിടയാക്കിയെന്നും പരിശോധനയില്‍ കണ്ടെത്തി.  

ദുരന്തസ്ഥലത്തു വിശദമായ പരിശോധനകള്‍ നടത്തിയ ശേഷമാണ് അപകടകാരണത്തെ കുറിച്ച് കുവൈത്ത് സ്ഥിരീകരണം നടത്തിയിരിക്കുന്നത്. ഫ്‌ലാറ്റിലെ സെക്യൂരിറ്റി ജീവനക്കാരന്റെ മുറിയില്‍ സൂക്ഷിച്ച പാചകവാതക സിലണ്ടര്‍ ചോര്‍ന്നാണു തീപിടിത്തമുണ്ടായതെന്ന്  നേരത്തെ വന്ന റിപ്പോര്‍ട്ട് തള്ളിക്കൊണ്ടാണ് ഫയര്‍ ഫോഴ്‌സ് ഇക്കാര്യം സ്ഥിരീകരിച്ചിരിക്കുന്നത്. ഫ്‌ലാറ്റിലെ സെക്യൂരിറ്റി ജീവനക്കാരന്റെ മുറിയുള്‍പ്പെടെ പരിശോധിച്ചാണ് അന്തിമ നിഗമനത്തിലെത്തിയത്. ഫ്‌ലാറ്റിനുള്ളില്‍ മുറികള്‍ തിരിക്കാനായി ഉപയോഗിച്ചിരുന്ന സാമഗ്രികള്‍ അതിവേഗം തീ പടരാന്‍ ഇടയാക്കിയതായി ഫയര്‍ഫോഴ്‌സ് കേണല്‍ സയീദ് അല്‍ മൗസാവി പറഞ്ഞു. മുറികള്‍ തമ്മില്‍ വേര്‍തിരിക്കാന്‍ ഉപയോഗിച്ചിരുന്ന വസ്തുക്കള്‍ കത്തിയതു വലിയ തോതില്‍ പുകയുണ്ടാക്കി. ഈ പുക അതിവേഗം മുകള്‍നിലയിലേക്കു പടര്‍ന്നു. ആറുനില കെട്ടിടത്തില്‍ 24 ഫ്‌ലാറ്റുകളിലെ 72 മുറികളിലായി 196 പേരാണു താമസിച്ചിരുന്നത്. ഇതില്‍ 20 പേര്‍ നൈറ്റ് ഡ്യൂട്ടിയിലായതിനാല്‍ സംഭവസമയത്ത് 176 പേര്‍ ക്യാംപിലുണ്ടായിരുന്നു.


VIDEO NEWS

ഫ്രാന്‍സില്‍ വലതുപക്ഷം തകര്‍ന്നടിഞ്ഞോ ? പ്രചരണങ്ങളിലെ സത്യമെന്ത് ?

പ്രധാനമന്ത്രി നരേന്ദ്ര മോദിയുമായി സുപ്രധാന കൂടിക്കാഴ്ച നടത്തി ഭാരത കത്തോലിക്ക മെത്രാന്‍ സമിതി

പലസ്തീൻ അനുകൂല മുദ്രാവാക്യം മുഴക്കി ബിരുദദാനചടങ്ങ് അലങ്കോലമാക്കാൻ ശ്രമിച്ച വിദ്യാര്‍ത്ഥിയെ യുഎഇ ഡീപോര്‍ട്ട് ചെയ്തു.

പ്രശസ്ത കത്തീഡ്രലിൽ മാതാവ് പ്രസവിക്കുന്ന നഗ്നശിൽപ്പം ... ദൈവനിന്ദയ്‌ക്കെതിരെ കർദ്ദിനാൾ മുള്ളർ .. ശിൽപ്പം തകർത്തു..

VELANKANNI -BHARANANGANAM -MALAYATTOOR വഴി എന്റെ ലൂർദ് മാതാവിന്റെ പള്ളി വരെ'.. സുപ്രധാന തീർത്ഥാടന ടൂറിസം പദ്ധതിയുമായി കേന്ദ്രമന്ത്രി സുരേഷ് ഗോപി

പള്ളിയിലെ സങ്കീർത്തിയിൽ കൊല്ലപ്പെട്ട് കിടക്കുന്ന പുരോഹിതൻ. തിരിച്ചു വരുമെന്ന് ഉറപ്പില്ലാത്ത ആരും ഭയക്കുന്ന ഇടം... കേട്ടിരിക്കേണ്ട മിഷൻ യാത്രാ അനുഭവങ്ങൾ