GENERAL NEWS

മുല്ലപ്പെരിയാര്‍ അണക്കെട്ടില്‍ പരിശോധന വേണമെന്ന് കേരളം

2024-06-14

മുല്ലപ്പെരിയാര്‍ അണക്കെട്ടില്‍ സുരക്ഷാ പരിശോധന വേഗത്തില്‍ നടത്തണമെന്ന ആവശ്യവുമായി കേരളം. മുല്ലപ്പെരിയാര്‍ മേല്‍നോട്ട സമിതി യോഗത്തിലാണ് കേരളം ആവശ്യം ഉന്നയിച്ചത്. എന്നാല്‍, ബേബിഡാം ബലപ്പെടുത്തിയ ശേഷം മാത്രമേ സുപ്രീംകോടതി ഉത്തരവനുസരിച്ചുള്ള സുരക്ഷ പരിശോധന നടത്താന്‍ കഴിയു  എന്ന നിലപാടിലാണ് തമിഴ്‌നാട്.

2011 ലാണ് സുപ്രീം കോടതി നിയോഗിച്ച വിദഗ്ദ്ധ സംഘം മുല്ലപ്പെരിയാര്‍ അണക്കെട്ടില്‍ സുരക്ഷ പരിശോധന നടത്തിയത്. കേരളത്തിന്റെ ആവശ്യപ്രകാരം അഞ്ചു വര്‍ഷത്തിനുള്ളില്‍ വീണ്ടും സുരക്ഷ പരിശോധന നടത്തണമെന്ന് 2018ല്‍ സുപ്രീം കോടതി ഉത്തരവിട്ടിരുന്നു.  എന്നാല്‍ ഇതുവരെ പരിശോധന നടത്താന്‍ കഴിഞ്ഞിട്ടില്ല. പരിശോധന ഉടന്‍ നടത്തണമെന്ന് കേരളം മേല്‍ നോട്ട സമിതി യോഗത്തില്‍ ആവശ്യപ്പെടുകയും ചെയ്തു. മുല്ലപെരിയാര്‍ അണക്കെട്ടില്‍ സ്ഥാപിച്ചിരിക്കുന്ന ഉപകരണങ്ങളുടെ ക്ഷമത, ഡാമിന്റെ ചലനം, വികാസം തുടങ്ങിയവയെല്ലാം പരിശോധിക്കേണ്ടതുണ്ടെന്നും കേരളം മേല്‍ നോട്ട സമിതി യോഗത്തില്‍ വ്യക്തമാക്കി. കേന്ദ്ര ജല കമ്മീഷന്‍ ചീഫ് എന്‍ജിനീയര്‍ രാകേഷ് കശ്യപ് അധ്യക്ഷനായ സമിതിയില്‍ കേരളത്തില്‍ നിന്നും ജലസേചന വകുപ്പ് സെക്രട്ടറി അശോക് കുമാര്‍ സിംഗ്, ചീഫ് എന്‍ജിനീയര്‍  ആര്‍. പ്രിയേഷ് എന്നിവരും തമിഴ്‌നാട് പൊതുമരാമത്ത് വകുപ്പ് സെക്രട്ടറി സന്ദീപ് സക്‌സേന കാവേരി സെല്‍ ചെയര്‍മാന്‍ ആര്‍ സുബ്രഹ്‌മണ്യന്‍ എന്നിവരുമാണ് അംഗങ്ങള്‍. അണക്കെട്ടിലെത്തിയ മേല്‍നോട്ട സമിതി അംഗങ്ങള്‍ പ്രധാന ഡാം, ബേബി ഡാം എന്നിവക്കൊപ്പം  സ്പില്‍വേയിലെ മൂന്നു ഷട്ടറുകളും ഉയര്‍ത്തി പരിശോധന നടത്തി.


VIDEO NEWS

സംസ്ഥാനത്ത് ന്യൂനപക്ഷ സ്‌കോളർഷിപ്പ് നൽകാനുള്ള ഫണ്ടിൽനിന്ന് കാറുകൾ വാങ്ങാനും മറ്റുമായി ഫണ്ട് വകമാറ്റി..ഞെട്ടിക്കുന്ന സി എ ജി റിപ്പോർട്ട്‌

കണ്ണീർക്കടലായി കണ്ണമാലി...സംരക്ഷണ ഭിത്തികളില്ല... വൻ തിരകളുടെ കുത്തൊഴുക്കിൽ വിറങ്ങലിച്ച് തീരദേശ ജനത

ഫ്രാന്‍സില്‍ വലതുപക്ഷം തകര്‍ന്നടിഞ്ഞോ ? പ്രചരണങ്ങളിലെ സത്യമെന്ത് ?

പ്രശസ്ത കത്തീഡ്രലിൽ മാതാവ് പ്രസവിക്കുന്ന നഗ്നശിൽപ്പം ... ദൈവനിന്ദയ്‌ക്കെതിരെ കർദ്ദിനാൾ മുള്ളർ .. ശിൽപ്പം തകർത്തു..

VELANKANNI -BHARANANGANAM -MALAYATTOOR വഴി എന്റെ ലൂർദ് മാതാവിന്റെ പള്ളി വരെ'.. സുപ്രധാന തീർത്ഥാടന ടൂറിസം പദ്ധതിയുമായി കേന്ദ്രമന്ത്രി സുരേഷ് ഗോപി

പള്ളിയിലെ സങ്കീർത്തിയിൽ കൊല്ലപ്പെട്ട് കിടക്കുന്ന പുരോഹിതൻ. തിരിച്ചു വരുമെന്ന് ഉറപ്പില്ലാത്ത ആരും ഭയക്കുന്ന ഇടം... കേട്ടിരിക്കേണ്ട മിഷൻ യാത്രാ അനുഭവങ്ങൾ