CHURCH NEWS
അമേരിക്കയില് വിശുദ്ധ യൗസേപ്പിതാവിന്റെ പതാക ഉയര്ത്തപ്പെട്ടു
2025-03-05
വിശുദ്ധ യൗസേപ്പിതാവിന്റെ വണക്കമാസത്തില് അമേരിക്കയില് വിശുദ്ധ യൗസേപ്പിതാവിന്റെ കൂറ്റന് പതാക ഉയര്ത്തപ്പെട്ടതിന്റെ ചിത്രങ്ങള് സമൂഹമാധ്യമങ്ങളില് തരംഗമാകുന്നു. കെന്റക്കിയിലെ വാള്ട്ടണിലുള്ള ബവേറിയന് ട്രക്കിങ് കമ്പനിയാണ് പതാക ഉയര്ത്തി മാധ്യമ ശ്രദ്ധ നേടിയിരിക്കുന്നത്
അമേരിക്കന് പതാകയോട് ചേര്ന്ന് വിശുദ്ധ യൗസേപ്പിതാവിന്റെ കൂറ്റന് പതാക ഉയര്ത്തപ്പെട്ടതിന്റെ ചിത്രങ്ങള് സമൂഹമാധ്യമങ്ങളില് തരംഗമാകുകയാണ്. കെന്റക്കിയിലെ വാള്ട്ടണിലുള്ള ബവേറിയന് ട്രക്കിങ് കമ്പനിയാണ് വിശുദ്ധ യൗസേപ്പിതാവിന്റെ വണക്കമാസത്തോടനുബന്ധിച്ച് വ്യത്യസ്തവും ആകര്ഷണീയവുമായ പതാക ഉയര്ത്തി വിശ്വാസ പാരമ്പര്യങ്ങളിലേക്ക് അമേരിക്കയെ നയിക്കാനുള്ള ഉദ്യമത്തിന് ചുക്കാന് പിടിച്ചിരിക്കുന്നത്. തിരുസഭയുടെ സംരക്ഷകന്, തിരുക്കുടുംബത്തിന്റെ പാലകന്, വിവാഹിതരുടെയും കന്യാവ്രതക്കാരുടെയും മധ്യസ്ഥന്, തൊഴിലാളികളുടെ മധ്യസ്ഥന് എന്ന വിശേഷണങ്ങളില് എല്ലാം വണങ്ങപ്പെടുന്ന വിശുദ്ധ യൗസേപ്പിതാവിന്റെ ബഹുമാനാര്ത്ഥം ഉയര്ത്തപ്പെട്ടിരിക്കുന്ന പതാക സഭാപാരമ്പര്യങ്ങളുടെയും രക്ഷാകര ചരിത്രത്തിന്റെയും കൂടി പ്രഘോഷണമായി മാറുകയാണ്. നീതിമാനും വിനയസമ്പന്നനും ഉത്തമ കുടുംബപാലകനും സ്വര്ഗ്ഗത്തിന്റെ വിശ്വസ്തനുമായി ജീവിച്ച് വിശുദ്ധിയുടെ ഉന്നതപടവുകള് കയറിയ വിശുദ്ധ യൗസേപ്പിതാവിന്റെ ജീവിതമാതൃക പിന്ചെല്ലാന് ഏവരെയും ക്ഷണിച്ചുകൊണ്ട് അമേരിക്കന് പതാകയ്ക്കൊപ്പം പ്രൗഢഗംഭീരമായി അന്തരീക്ഷത്തില് വിഹരിക്കുന്ന വിശുദ്ധ യൗസേപ്പിതാവിന്റെ പതാക ലോകമൊട്ടാകെയുള്ള വിശ്വാസികളുടെ കയ്യടി നേടുകയാണ്.
വാള്ട്ടണ് ആസ്ഥാനമായി പ്രവര്ത്തിക്കുന്ന അഞ്ച് തലമുറകളായുള്ള ഒരു കുടുംബത്തിന്റെ ബിസിനസാണ് ബവേറിയന് ട്രക്കിംഗ്. ബിസിനസ്സിനൊപ്പം കത്തോലിക്കാ വിശ്വാസത്തിന് സാക്ഷ്യം നല്കുകയും കര്ത്താവായ യേശുക്രിസ്തുവിനായി പോരാടുകയും ചെയ്യുകയാണ് തങ്ങളുടെ ലക്ഷ്യമെന്ന് ബവേറിയന് ട്രക്കിങ് കമ്പനി തങ്ങളുടെ വെബ്സൈറ്റില് വിവരിക്കുകയുണ്ടായി. തങ്ങളുടെ പ്രധാന ദൗത്യം, സമൂഹത്തിലുടനീളം ക്രിസ്തു രാജാവിന്റെ ഭരണം കൊണ്ടുവരിക എന്നതാണെന്നും അവര് വ്യക്തമാക്കുയിരുന്നു. ഓരോ മാസത്തിനും യോജിച്ച രീതിയിലുള്ള കത്തോലിക്കാ പാരമ്പര്യങ്ങള് സൂചിപ്പിക്കുന്ന പതാകകള് അതാതു മാസത്തില് ഉയര്ത്തി തങ്ങളുടെ ബിസിനസിലൂടെ കര്ത്താവിനെ മഹത്വപ്പെടുത്തി, ദൈവത്തെയും രാജ്യത്തെയും സേവിക്കുക എന്ന മുദ്രാവാക്യവുമായി മുന്നേറുന്ന ബവേറിയന് കമ്പനിയുടെ സുവിശേഷ തീക്ഷ്ണത മാതൃകയാവുകയാണ്
News
പുടിനുമായി ട്രംപിന്റെ നിര്ണ്ണായക ചര്ച്ച, സംഘര്ഷത്തില് മധ്യസ്ഥതയ്ക്ക് തയ്യാറെന്ന് പുടിന് , യുക്രെയ്ന് ...
മലപ്പുറം പോത്തുവെട്ടിയില് ഫര്ണിച്ചര് ഫാക്ടറിയില് തീപിടുത്തം, ഫയര്ഫോഴ്സും,പോലീസും, നാട്ടുക്കാരും ...
ഡാറ്റ ചോര്ത്തല്,ഹര്ജി തള്ളി ഹൈക്കോടതി, സ്വകാര്യത ലംഘനമില്ല,നിയമവിരുദ്ധതയില്ല :കോടതി, വിവാദത്തില് ...
രാജ്യത്തെ എണ്ണ ലഭ്യത, സമിതി രൂപീകരിക്കാന് കേന്ദ്രം, മൂന്നംഗ സമിതിക്കാണ് ശുപാര്ശ
മരക്കഷ്ണം കളയാതെ മുറിവ് തുന്നിക്കെട്ടി, ശസ്ത്രക്രിയയിലൂടെ പുറത്തെടുത്തത് 5 സെന്റീമീറ്റര് നീളമുള്ള ...
ഖമേനിയുടെ മരണത്തിന് പിന്നാലെ സ്ലീപ്പര് സെല്ലുകള്ക്ക് സന്ദേശം ലഭിച്ചതായി സൂചന. ലോകമെമ്പാടുമുള്ള ഇറാനില് ...
പ്രധാനമന്ത്രി നാളെ കൊച്ചിയില് ഒട്ടേറെ വികസന പദ്ധതികള്ക്ക് തുടക്കം കുറിക്കും
സ്വകാര്യ ആശുപത്രികളിലെ നഴ്സുമാരുടെ സമ്പൂര്ണ സമരം. 40000 രൂപ ഉയര്ന്ന വേതനം ആക്കണമെന്ന് ആവശ്യം
