ഇന്ത്യയില്‍ നിന്ന് തിരിച്ചടിയുണ്ടാകുമെന്ന് പാക്കിസ്ഥാന്‍ പ്രതിരോധമന്ത്രി

2025-04-29

ജമ്മു കശ്മീരിലെ പഹല്‍ഗാമിലുണ്ടായ ഭീകരാക്രമണത്തിനു പിന്നാലെ ഇന്ത്യയില്‍നിന്ന് തിരിച്ചടിയുണ്ടാകുമെന്ന് പാക്കിസ്ഥാന്‍ പ്രതിരോധമന്ത്രി ഖ്വാജ മുഹമ്മദ് ആസിഫ്. ഇന്ത്യയില്‍ നിന്ന് ഉടന്‍ സൈനികാക്രമണമുണ്ടാകുമെന്നാണു സൂചനയെന്ന് പ്രതിരോധമന്ത്രി ഖ്വാജ മുഹമ്മദ് ആസിഫ് പറഞ്ഞു അതേസമയം നിലനില്‍പ്പിന് ഭീഷണി നേരിട്ടാല്‍ ആണവായുധം ഉപയോഗിക്കുമെന്ന് പ്രതിരോധമന്ത്രി വ്യകതമാക്കി ഞങ്ങളുടെ സൈന്യത്തെ ശക്തിപ്പെടുത്തിയിട്ടുണ്ടന്നും, ഈ സാഹചര്യത്തില്‍  സ്വീകരിക്കേണ്ട നയപരമായ തീരുമാനങ്ങള്‍ തങ്ങള്‍ കൈക്കൊണ്ടിട്ടുണ്ടന്നും പ്രതിരോധമന്ത്രി ഖ്വാജ മുഹമ്മദ് ആസിഫ് പറഞ്ഞു 

'ഇന്ത്യയില്‍നിന്നുണ്ടാകാന്‍ സാധ്യതയുള്ള തിരിച്ചടി ആക്രമണത്തെക്കുറിച്ച് പാക്കിസ്ഥാന്‍ സൈന്യം സര്‍ക്കാരിനെ അറിയിച്ചിട്ടുണ്ട്. ഞങ്ങളുടെ നിലനില്‍പ്പിന് ഭീഷണി നേരിടുകയാണെങ്കില്‍ മാത്രം ആണവായുധ ശേഖരം ഉപയോഗിക്കുമെന്നും മന്ത്രി ഖ്വാജ മുഹമ്മദ് ആസിഫ് പറഞ്ഞു. പഹല്‍ഗാമിലുണ്ടായ ഭീകരാക്രമണത്തില്‍ 26 പേരാണു കൊല്ലപ്പെട്ടത്. ഭീകരവാദികളില്‍ രണ്ടുപേര്‍ പാക്കിസ്ഥാന്‍കാരാണെന്നു ഇന്ത്യ സ്ഥിരീകരിച്ചിരുന്നു. എന്നാല്‍ തങ്ങള്‍ക്കു പങ്കില്ലെന്നായിരുന്നു പാക്കിസ്ഥാന്‍ വാദമുന്നയിച്ചത്.