കെ എസ് ഇ ബി സ്മാര്‍ട്ട് സെക്ഷന്‍ പദ്ധതി തുടങ്ങുന്നു; തെരഞ്ഞെടുത്ത സെക്ഷനുകളില്‍ ആദ്യഘട്ടം നടപ്പാക്കും

2025-06-28

കെ എസ് ഇ ബി സ്മാര്‍ട്ട് സെക്ഷന്‍ പദ്ധതിക്ക് തുടക്കം കുറിക്കുന്നു. ഉപഭോക്താക്കള്‍ക്ക് മുടക്കമില്ലാതെ വൈദ്യുതി ലഭ്യമാക്കാനാണ് ഈ പദ്ധതി ലക്ഷ്യം വെയ്ക്കുന്നത്. ഫീഡര്‍ ഓഫാക്കുമ്പോള്‍ എല്ലാവര്‍ക്കും വൈദ്യുതി മുടങ്ങുന്നത് ഒഴിവാക്കും.

ജീവനക്കാരുടെ അഭിപ്രായങ്ങള്‍ കൂടി വിലയിരുത്തിയാണ് പദ്ധതി നടപ്പിലാക്കുന്നത്. തിരുവനന്തപുരം, കൊച്ചി, കോഴിക്കോട് പോലുള്ള പ്രധാന നഗരങ്ങളില്‍ റിങ് മെയിന്‍ യൂണിറ്റ്(ആര്‍ എം യു) സംവിധാനം ഉപയോഗിച്ച് എല്ലാവര്‍ക്കും വൈദ്യുതി മുടക്കം വരുത്താതെ അറ്റകുറ്റ പണികള്‍ നടത്തുന്നുണ്ട്. വളരെ ചിലവേറിയ ജോലികള്‍ ഇതിനാവശ്യമാണ്. സംസ്ഥാനത്തെ 776 സെക്ഷന്‍ ഓഫീസുകളിലും പദ്ധതി നടപ്പാക്കാന്‍ ഭാരിച്ച ചിലവ് പ്രതീക്ഷിക്കുന്നു. അതുക്കൊണ്ട് ഏതാനും ജില്ലകളിലെ തെരഞ്ഞെടുത്ത സെക്ഷനുകളില്‍ മാത്രമാകും ആദ്യഘട്ടം പദ്ധതി നടപ്പാക്കുക. ഉപഭോക്താക്കളുടെ എണ്ണം കൂടുതല്‍ ഉള്ളതും ഭൂമിശാസ്ത്രപരമായി വലിയ പ്രദേശം ഉള്‍ക്കൊള്ളുന്ന സെക്ഷനുകള്‍ ആദ്യഘട്ടത്തില്‍ സ്മാര്‍ട്ട് സെക്ഷനുകള്‍ ആക്കാനാണ് ജീവനക്കാരുടെ ആവശ്യം.