ജിഎസ്ടി പരിഷ്‌കാരം, 2 ലക്ഷം കോടി രൂപ ജനങ്ങളുടെ കൈകളിലേക്ക് - ധനമന്ത്രി

2025-09-20

ജിഎസ്ടി കൗണ്‍സിലിന്റെ പരിഷ്‌കാരങ്ങള്‍ ഏകദേശം 2 ലക്ഷം കോടി രൂപ ജനങ്ങളുടെ കൈകളിലേക്ക് എത്തിക്കുമെന്ന് ധനമന്ത്രി നിര്‍മ്മല സീതാരാമന്‍. പുതിയ ജിഎസ്ടി പരിഷ്‌കാരങ്ങള്‍ നികുതി ഘടനയെ കൂടുതല്‍ ലളിതമാക്കുകയും, സാധാരണ ജനങ്ങളുടെ ജീവിത ഭാരം കുറയ്ക്കുകയും, ആഭ്യന്തര ഉപഭോഗം വര്‍ദ്ധിപ്പിക്കുമെന്നും കേന്ദ്ര ധനമന്ത്രി നിര്‍മ്മല സീതാരാമന്‍ പറഞ്ഞു. മധുരയില്‍ നടന്ന തമിഴ്നാട് ഭക്ഷ്യധാന്യ വ്യാപാരികളുടെ അസോസിയേഷന്റെ 80-ാം വാര്‍ഷികത്തില്‍ സംസാരിക്കുകയായിരുന്നു ധനമന്ത്രി.

പുതുക്കിയ നികുതി ഘടനയുള്ള പുതിയ ജിഎസ്ടി പരിഷ്‌കാരങ്ങള്‍ രാജ്യത്തെ സാധാരണക്കാര്‍ക്ക് വലിയ ആശ്വാസമാണ് നല്‍കാന്‍ പോകുന്നതെന്ന് ധനമന്ത്രി നിര്‍മ്മല സീതാരാമന്‍. നിരവധി ഉത്പന്നങ്ങളുടെയും സേവനങ്ങളുടെയും നികുതി കുറച്ചതിലൂടെ ഉപഭോക്താക്കള്‍ക്ക് നേരിട്ട് സാമ്പത്തിക നേട്ടം ലഭിക്കും. ജിഎസ്ടി കൗണ്‍സിലിന്റെ 53-ാമത് യോഗത്തിലാണ് ഈ ചരിത്രപരമായ തീരുമാനങ്ങള്‍ എടുത്തത്. ഇതിന്റെ പ്രധാന ലക്ഷ്യം, നികുതി ഘടനയെ കൂടുതല്‍ ലളിതമാക്കുകയും സാധാരണ ജനങ്ങളുടെ ജീവിത ഭാരം കുറയ്ക്കുകയും ചെയ്യുക എന്നതാണ്. പല അവശ്യ സാധനങ്ങള്‍ക്കും, പ്രത്യേകിച്ച് ഭക്ഷ്യവസ്തുക്കള്‍ക്കും, നികുതി കുറച്ചത് കുടുംബ ബജറ്റുകള്‍ക്ക് വലിയ സഹായമാകും. 

ഈ മാറ്റങ്ങള്‍ സമ്പദ്വ്യവസ്ഥയെ കൂടുതല്‍ ശക്തിപ്പെടുത്താനും സാമ്പത്തിക വളര്‍ച്ചയ്ക്ക് ആക്കം കൂട്ടാനും സഹായിക്കുമെന്ന് ധനമന്ത്രി വ്യക്തമാക്കി. നികുതി കുറയ്ക്കുന്നതിലൂടെ ഉത്പന്നങ്ങള്‍ക്ക് ഡിമാന്‍ഡ് വര്‍ദ്ധിക്കാനും അതുവഴി ഉത്പാദനം കൂടാനും സാധ്യതയുണ്ട്. ഇത് കൂടുതല്‍ തൊഴിലവസരങ്ങള്‍ സൃഷ്ടിക്കുന്നതിനും സഹായിക്കും. പൊതുജനങ്ങളില്‍ നിന്ന് നികുതിയായി ലഭിക്കുന്ന രണ്ട് ലക്ഷം കോടി രൂപ ധനകാര്യ മന്ത്രാലയത്തിന് ലഭിക്കുന്നില്ല, മറിച്ച് ആഭ്യന്തര ഉപഭോഗത്തെ സഹായിക്കുന്നതിനായി അത് സമ്പദ്‌വ്യവസ്ഥയിലേക്ക് തിരികെ പോകുന്നു. സെപ്റ്റംബര്‍ 22 മുതല്‍ പ്രാബല്യത്തില്‍ വരുന്ന നിരവധി ജിഎസ്ടി പരിഷ്‌കാരങ്ങള്‍ക്കൊപ്പം മൊത്തം 2 ലക്ഷം കോടി രൂപ ജനങ്ങളുടെ കൈകളിലെത്തുമെന്നും ഇത് ആഭ്യന്തര ഉപഭോഗം വര്‍ദ്ധിപ്പിക്കുമെന്നും കേന്ദ്ര ധനമന്ത്രി നിര്‍മ്മല സീതാരാമന്‍ വ്യക്തമാക്കി.