കാനഡയുമായി ഇടഞ്ഞ് ട്രംപ് , ബോര്‍ഡ് ഓഫ് പീസില്‍ നിന്നും കാനഡ ഔട്ട് , കാനഡയെ ക്ഷണിച്ച തീരുമാനം ട്രംപ് പിന്‍വലിച്ചു

2026-01-23

 ലോകനേതാക്കളുടെ ചരിത്രത്തിലെ ഏറ്റവും സവിശേഷവും അഭിമാനകരവുമായ കൂട്ടായ്മ എന്ന് വിശേഷിപ്പിക്കപ്പെടുന്ന 'ബോര്‍ഡ് ഓഫ് പീസി'ലേക്ക് കാനഡയെ ക്ഷണിച്ച തീരുമാനം അമേരിക്കന്‍ പ്രസിഡന്റ് ഡോണള്‍ഡ് ട്രംപ് പിന്‍വലിച്ചു. കനേഡിയന്‍ പ്രധാനമന്ത്രി മാര്‍ക്ക് കാര്‍ണിയെ അഭിസംബോധന ചെയ്തുകൊണ്ടുള്ള തുറന്ന കത്തിലൂടെയാണ്, കാനഡയെ ഈ സമിതിയുടെ ഭാഗമാക്കുന്നതില്‍ നിന്നും ഒഴിവാക്കിയ വിവരം ട്രംപ് തന്റെ സോഷ്യല്‍ മീഡിയ പ്ലാറ്റ്‌ഫോമിലൂടെ ഔദ്യോഗികമായി അറിയിച്ചത്.

ഗാസ ഉള്‍പ്പെടെയുള്ള ആഗോള സംഘര്‍ഷ പ്രദേശങ്ങളില്‍ സമാധാനം പുനഃസ്ഥാപിക്കാനും പുനര്‍നിര്‍മാണത്തിന് നേതൃത്വം നല്‍കാനുമായി അമേരിക്കന്‍ പ്രസിഡണ്ട് ഡൊണാള്‍ഡ് ട്രംപിന്റെ നേതൃത്വത്തില്‍ രൂപപ്പെടുത്തുന്ന ബോര്‍ഡ് ഓഫ് പീസെന്ന ഓര്‍ഗനൈസേഷനിലേക്ക് കാനഡയെ ക്ഷണിച്ച തീരുമാനം അമേരിക്കന്‍ പ്രസിഡന്റ് ഡോണള്‍ഡ് ട്രംപ് പിന്‍വലിച്ചു. കനേഡിയന്‍ പ്രധാനമന്ത്രി മാര്‍ക്ക് കാര്‍ണിയെ അഭിസംബോധന ചെയ്തുകൊണ്ടുള്ള തുറന്ന കത്തിലൂടെയാണ്, കാനഡയെ ഈ സമിതിയുടെ ഭാഗമാക്കുന്നതില്‍ നിന്നും ഒഴിവാക്കിയ വിവരം ട്രംപ് തന്റെ സോഷ്യല്‍ മീഡിയ പ്ലാറ്റ്‌ഫോമിലൂടെ ഔദ്യോഗികമായി അറിയിച്ചത്.

സ്വിറ്റ്‌സര്‍ലന്‍ഡിലെ ദാവോസില്‍ നടന്ന ലോക സാമ്പത്തിക ഫോറത്തില്‍ മാര്‍ക്ക് കാര്‍ണി നടത്തിയ പ്രസംഗത്തിന് പിന്നാലെയാണ് അപ്രതീക്ഷിതമായ ഈ നീക്കം. ആഗോള ക്രമത്തില്‍ വിള്ളലുകള്‍ വീഴുന്നതായും വന്‍ശക്തികള്‍ സാമ്പത്തിക നയങ്ങളെ ആയുധമാക്കുന്നതായും കാര്‍ണി വിമര്‍ശിച്ചിരുന്നു. ഇത് ട്രംപിന്റെ നയങ്ങള്‍ക്കെതിരെയുള്ള വിമര്‍ശനമായാണ് വിലയിരുത്തപ്പെട്ടത്. ഇതിനു പിന്നാലെ, 'അമേരിക്ക കാരണമാണ് കാനഡ നിലനില്‍ക്കുന്നത്' എന്ന രൂക്ഷമായ മറുപടിയുമായി ട്രംപ് രംഗത്തെത്തിയിരുന്നു.

ഈ സമിതിയില്‍ സ്ഥഥിര അംഗത്വം ലഭിക്കാന്‍ ഓരോ രാജ്യവും 100 കോടി ഡോളര്‍ നല്‍കണമെന്ന നിബന്ധന കാനഡ അംഗീകരിക്കാത്തതും ട്രംപിനെ പ്രകോപിപ്പിച്ചതായി സൂചനയുണ്ട്. ഒരു ബില്യന്‍ ഡോളര്‍ നല്‍കി അംഗത്വം നേടാനില്ലെന്ന് കാനഡയുടെ ധനമന്ത്രി നേരത്തെ വ്യക്തമാക്കിയിരുന്നു.