മാപ്പ് പിന്‍വലിച്ച് അമേരിക്ക, ഇന്ത്യയുടെ സമ്പൂര്‍ണ മാപ്പ് അമേരിക്ക പോസ്റ്റ് ചെയ്തിരുന്നു , പോസ്റ്റ് വലിയ ചര്‍ച്ചാവിഷയമായിരുന്നു

2026-02-12

പാക് അധീന കശ്മീരും അക്‌സായി ചിനും ഉള്‍പ്പെടുത്തിയുള്ള ഇന്ത്യയുടെ ഔദ്യോഗിക ഭൂപടം എക്‌സില്‍ പങ്കുവെച്ച അമേരിക്ക പോസ്റ്റ് പിന്‍വലിച്ചു. യു.എസ്. വ്യാപാരപ്രതിനിധിയുടെ ഓഫീസാണ് ഭൂപടം പിന്‍വലിച്ചത്. ഇന്ത്യയുമായുള്ള വ്യാപാരക്കരാറിന്റെ പ്രാഥമിക രൂപരേഖ പുറത്തുവിട്ട ശനിയാഴ്ചയാണ് ഔദ്യോഗിക ഭൂപടം യു.എസ്. എക്‌സില്‍ പോസ്റ്റുചെയ്തത്.

ഇന്ത്യയും ആയല്‍ രാജ്യങ്ങളായ പാകിസ്ഥാനും ചൈനയുമായും എക്കാലത്ത്തും വലിയ തര്‍ക്ക വിഷയമായി നിലനില്‍ക്കുന്ന സ്ഥലങ്ങളാണ് പാക് അധീന കാശ്മീരും അക്സായി ചിനും ഈ മേഖല തര്‍ക്കമേഖലകളായാണ് യു.എസ്. കരുതുന്നത്. അതിനാല്‍, ഇന്ത്യയുടെ ഭൂപടത്തില്‍ അവയെ കുത്തുകളാല്‍ വേര്‍തിരിച്ചാണ് യു.എസ്. കാണിക്കാറ്. ആ പതിവുതെറ്റിച്ച്, കുത്തുകളാല്‍ ഈ സ്ഥലങ്ങള്‍ വേര്‍തിരിക്കാതെയുള്ള ഭൂപടമായിരുന്നു ശനിയാഴ്ച എക്‌സില്‍ പങ്കുവെച്ചത്. ഇന്ത്യയുമായി വ്യാപാര കരാര്‍ ഒപ്പുവച്ച സമയത്തും പാകിസ്താനുമായി അമേരിക്ക അടുത്ത് നില്‍ക്കുന്ന സാഹചര്യത്തിലും പ്രത്യക്ഷപ്പെട്ട പോസ്റ്റ് വലിയ രാഷ്ട്രീയ ചര്‍ച്ചാവിഷയമായിരുന്നു