മുഖ്യ പ്രതി അന്നത്തെ ജില്ലാ കളക്ടറാണെന്ന് വി എസ് സുനില്‍കുമാര്‍

2026-02-14

 തൃശൂര്‍ പൂരം അലങ്കോലമായതില്‍  അന്നത്തെ ജില്ലാ കളക്ടറാണ്  ഒന്നാം പ്രതിയായി വരേണ്ടതെന്ന്  മുന്‍ മന്ത്രി വി എസ് സുനില്‍കുമാര്‍ .   ഇതേ കളക്ടര്‍ക്ക്  തിരഞ്ഞെടുപ്പ് കഴിഞ്ഞ്  രണ്ടാഴ്ചയ്ക്കകം  ബിജെപി ഭരിക്കുന്ന സംസ്ഥാനത്ത്  ഉപമുഖ്യമന്ത്രിയുടെ സെക്രറിയായി  നിയമനം ലഭിച്ചതോടെ  അത് വ്യക്തമായെന്നും വി എസ് സുനില്‍കുമാര്‍ അഭിപ്രയപെട്ടു .  ഏതുകാലത്തും  പൂരം നടത്തിപ്പിന്റെ  പ്രധാന ചുമതല  ജില്ലാഭരണ കൂടത്തിനാണ് . അതിനാല്‍ ഏതെങ്കിലും ഉദ്യോഗസ്ഥന്‍ പ്രതിസ്ഥാനത്ത് വരികയാണെങ്കില്‍ ഒന്നാം പ്രതിയായി വരേണ്ടത്  അന്നത്തെ ജില്ലാകളക്ടറാണ് ,  പൂരം അലങ്കോലപെടാനുള്ള   എല്ലാ അവസരവും  ഉണ്ടായത്  കലക്ടറുടെ  നിസ്സംഗത കാരണമാണെന്നും   വി എസ് സുനില്‍കുമാര്‍ ആരോപിച്ചു .  തൃശൂര്‍ പൂരം അലങ്കോലമായതില്‍ ഉദ്യോഗസ്ഥര്‍ക്ക് പങ്കില്ലെന്ന രീതിയില്‍ ഇന്നലെ അന്വേഷണ റിപ്പോര്‍ട്ട് പുറത്തുവന്നിരുന്നു