ഹമാസ് തടവിലായിരുന്നപ്പോള്‍ പലതവണ ജീവിതം അവസാനിപ്പിക്കാന്‍ ശ്രമിച്ചു, വെളിപ്പെടുത്തലുമായി മുന്‍ ബന്ദി അര്‍ബല്‍ യെഹൂദ്

2026-02-14

ഗാസയില്‍ ഹമാസ് ഭീകരരുടെ തടവിലായിരുന്നപ്പോള്‍ പലതവണ ജീവിതം അവസാനിപ്പിക്കാന്‍ ശ്രമിച്ചിരുന്നു എന്ന വെളിപ്പെടുത്തലുമായി മുന്‍ ബന്ദി അര്‍ബല്‍ യെഹൂദ്. ബന്ദികളെ തിരികെ കൊണ്ടുവരാനായി ഇസ്രായേലില്‍ നടന്ന പ്രതിഷേധങ്ങളുടെ ദൃശ്യങ്ങള്‍ കണ്ടപ്പോഴാണ് തിരിച്ചെത്തണമെന്ന തീരുമാനത്തിലെത്തിയതെന്നും അര്‍ബല്‍ യെഹൂദ് പറഞ്ഞു.

ഗാസയില്‍ ഹമാസ് ഭീകരരുടെ തടവിലായിരുന്നപ്പോള്‍ പലതവണ ജീവിതം അവസാനിപ്പിക്കാന്‍ ശ്രമിച്ചിരുന്നു എന്നും എന്നാല്‍ ബന്ദികളെ തിരികെ കൊണ്ടുവരാനായി ഇസ്രായേലില്‍ നടന്ന പ്രതിഷേധങ്ങളുടെ ദൃശ്യങ്ങള്‍ കണ്ടപ്പോള്‍ തന്റെ തീരുമാനം മാറ്റുകയായിരുന്നുവെന്നും വെളിപ്പെടുത്തിയിരിക്കുകയാണ് മുന്‍ ബന്ദി അര്‍ബല്‍ യെഹൂദ്.ഭീകരരുടെ തടവിലായിരുന്നപ്പോള്‍ ടെല്‍ അവീവിലെ ഹോസ്റ്റേജസ് സ്‌ക്വയറില്‍ നിന്നുള്ള ഡ്രോണ്‍ ദൃശ്യങ്ങള്‍ കണ്ടു. ആയിരക്കണക്കിനാളുകള്‍ ബന്ദികളുടെ ചിത്രങ്ങള്‍ കൈയ്യിലേന്തി അവരുടെ തിരിച്ചുവരവിനായി പ്രതിഷേധിക്കുകയായിരുന്നു. അതുകണ്ടതിനു ശേഷം ആത്മഹത്യ എന്ന തീരുമാനത്തില്‍ നിന്ന് പി•ാറുകയായിരുന്നു വെന്നും അര്‍ബല്‍ യെഹൂദ് പറഞ്ഞു.

എനിക്ക് പരിചയമില്ലാത്ത ആളുകള്‍ ഞാന്‍ അവരുടെ സഹോദരിയോ മകളോ ആണെന്ന് കരുതി എനിക്കുവേണ്ടി പോരാടുന്നുണ്ടെന്ന് ഞാന്‍ മനസ്സിലാക്കി. അതുകൊണ്ടുതന്നെ എന്റെ കുടുബത്തിനുവേണ്ടിയും എനിക്കുവേണ്ടി പോരാടുന്നവരിലേക്കും തിരിച്ചെത്തണം എന്നുള്ളതായിരുന്നു പിന്നീടുള്ള തീരുമാനമെന്നും യെഹൂദ് കൂട്ടിച്ചേര്‍ത്തു.തടവിലായിരുന്നപ്പോഴുള്ള അനുഭവങ്ങള്‍ മറച്ചുവെക്കാന്‍ താന്‍ ശ്രമിച്ചിരുന്നുവെന്നും എന്നാല്‍ മുന്‍ ബന്ദിയായ റോമി ഗോണന്റെ വെളിപ്പെടുത്തലിനു ശേഷം തീരുമാന മാറ്റിയെന്നും യെഹൂദ് വ്യക്തമാക്കി.തീവ്രവാദികള്‍ ആവര്‍ത്തിച്ച് ലൈംഗികമായി പീഡിപ്പിച്ചിരുന്നുവെന്നും മറ്റ് തടവുകാരോടൊപ്പം ഒളിവില്‍ കഴിഞ്ഞിരുന്നുവെന്നും റോമി ഗോണന്‍ ഒരു അഭിമുഖത്തില്‍ വെളിപ്പെടുത്തിയിരുന്നു.