ഇന്ത്യ എഐ ഇംപാക്ട് സമിറ്റ്, ആര്‍ട്ടിഫിഷ്യല്‍ ഇന്റലിജന്‍സില്‍ ഇന്ത്യയുടെ വന്‍ കുതിപ്പ്

2026-02-14

സാങ്കേതിക ലോകത്ത് ഇന്ത്യയുടെ കരുത്ത് വിളംബരം ചെയ്ത് ഇന്ത്യ എഐ ഇംപാക്ട് സമിറ്റ്. ആര്‍ട്ടിഫിഷ്യല്‍ ഇന്റലിജന്‍സ് രംഗത്ത് സ്വയംപര്യാപ്തത കൈവരിക്കുക എന്ന ലക്ഷ്യത്തോടെ 12 തദ്ദേശീയ ഫൗണ്ടേഷന്‍ മോഡലുകള്‍ സമിറ്റില്‍ പുറത്തിറക്കി. ലോകമെമ്പാടുമുള്ള സാങ്കേതിക വിദഗ്ധരും ഭരണാധികാരികളും പങ്കെടുത്ത ചടങ്ങില്‍, മികച്ചൊരു ലോകം കെട്ടിപ്പടുക്കാന്‍ സാങ്കേതിക വിദ്യയെ എങ്ങനെ ഉപയോഗിക്കാമെന്ന് പ്രധാനമന്ത്രി നരേന്ദ്ര മോദി വിശദീകരിച്ചു. ഇന്ത്യയുടെ ഭാഷാ വൈവിധ്യത്തെ ഉള്‍ക്കൊള്ളുന്ന ഈ എഐ മോഡലുകള്‍ ഡിജിറ്റല്‍ വിപ്ലവത്തില്‍ പുതിയ ചരിത്രം കുറിക്കുമെന്നാണ് വിലയിരുത്തപ്പെടുന്നത്. 

ആഗോള സാങ്കേതിക വിദ്യയെ നയിക്കാന്‍ ഭാരതം തയ്യാറെന്ന് പ്രധാനമന്ത്രി.ആഗോളതലത്തില്‍ ആര്‍ട്ടിഫിഷ്യല്‍ ഇന്റലിജന്‍സ് ചര്‍ച്ചകള്‍ക്ക് ഇന്ത്യ വേദിയാകുകയാണ്. 'സോവറിന്‍ എഐ' അഥവാ പരമാധികാര എഐ എന്ന ആശയത്തിലൂടെ വിദേശ സാങ്കേതിക വിദ്യകളോടുള്ള ആശ്രിതത്വം കുറയ്ക്കുകയാണ് ഇന്ത്യയുടെ ലക്ഷ്യം. ഇതിന്റെ ഭാഗമായാണ് 12 തദ്ദേശീയ ഫൗണ്ടേഷന്‍ മോഡലുകള്‍ അവതരിപ്പിച്ചത്. സമിറ്റില്‍ സംസാരിച്ച പ്രധാനമന്ത്രി നരേന്ദ്ര മോദി, സാങ്കേതികവിദ്യ വിനാശത്തിനല്ല, മറിച്ച് ലോകത്തിന്റെ ന•യ്ക്കും പുരോഗതിക്കുമായിരിക്കണം ഉപയോഗിക്കേണ്ടതെന്ന് ഓര്‍മ്മിപ്പിച്ചു. ലോകത്തിലെ ഏറ്റവും വലിയ ടെക് കമ്പനികളുടെ തലവ•ാരും വിദഗ്ധരും ഇന്ത്യയിലേക്ക് വരുന്നത് രാജ്യത്തിന്റെ വളര്‍ച്ചയുടെ അടയാളമാണെന്നും മോദി പറഞ്ഞു.വിവിധ ഇന്ത്യന്‍ ഭാഷകളെ ഉള്‍ക്കൊള്ളുന്ന ഈ പുതിയ എഐ സംവിധാനം കൃഷി, വിദ്യാഭ്യാസം, ഗവേണന്‍സ് തുടങ്ങിയ മേഖലകളില്‍ വിപ്ലവകരമായ മാറ്റങ്ങള്‍ കൊണ്ടുവരും. ഭാഷാപരമായ തടസ്സങ്ങള്‍ നീക്കി സാധാരണക്കാരിലേക്ക് എഐ സേവനങ്ങള്‍ എത്തിക്കുക എന്ന വലിയ ദൗത്യമാണ് ഈ 12 മോഡലുകളിലൂടെ ഇന്ത്യ നടപ്പിലാക്കുന്നത്. ആഗോള എഐ വിപണിയില്‍ ഇന്ത്യയുടെ മേധാവിത്വം ഉറപ്പിക്കാന്‍ ഈ മുന്നേറ്റം സഹായിക്കും.

!