പുടിനുമായി ട്രംപിന്റെ നിര്‍ണ്ണായക ചര്‍ച്ച, സംഘര്‍ഷത്തില്‍ മധ്യസ്ഥതയ്ക്ക് തയ്യാറെന്ന് പുടിന്‍ , യുക്രെയ്ന്‍ യുദ്ധം അവസാനിപ്പിക്കുന്നതില്‍ ശ്രദ്ധിക്കൂ എന്ന് ട്രംപ്

2026-03-10

പശ്ചിമേഷ്യയില്‍ സംഘര്‍ഷം തുടരുന്ന സാഹചര്യത്തില്‍ റഷ്യന്‍ പ്രസിഡന്റ് വ്‌ലാഡിമിര്‍ പുടിനുമായി ഫോണില്‍ നിര്‍ണായക ചര്‍ച്ച നടത്തി അമേരിക്കന്‍ പ്രസിഡന്റ് ഡോണാള്‍ഡ് ട്രംപ്. റഷ്യ-യുക്രെയ്ന്‍ യുദ്ധം അവസാനിപ്പിക്കുന്നതിനൊപ്പം പശ്ചിമേഷ്യയിലെ നിലവിലെ സംഘര്‍ഷാവസ്ഥയും ഇരുവരും ചര്‍ച്ച ചെയ്തു. യുദ്ധം അവസാനിപ്പിക്കുന്നതില്‍ മധ്യസ്ഥത വഹിക്കാന്‍ പുടിന്‍ സന്നദ്ധത പ്രകടിപ്പിച്ചതായും ട്രംപ് പറഞ്ഞു.

റഷ്യന്‍ പ്രസിഡന്റ് വ്‌ലാഡിമിര്‍ പുടിനുമായി യുഎസ് പ്രസിഡന്റ് ഡോണള്‍ഡ് ട്രംപ് ഫോണില്‍ സംസാരിച്ചു.പശ്ചിമേഷ്യയില്‍ സംഘര്‍ഷം തുടരുന്ന സാഹചര്യത്തിലാണ് ഇരുവരും നിര്‍ണായക ചര്‍ച്ചകള്‍ നടത്തിയത്. ചര്‍ച്ചകള്‍ ഒരു മണിക്കൂര്‍ നീണ്ടതായാണ് റിപ്പോര്‍ട്ടുകള്‍.റഷ്യ-യുക്രെയ്ന്‍ യുദ്ധം അവസാനിപ്പിക്കുന്നതിനൊപ്പം പശ്ചിമേഷ്യയിലെ നിലവിലെ സംഘര്‍ഷാവസ്ഥയും ഇരുവരും ചര്‍ച്ച ചെയ്തതായി ട്രംപ് സ്ഥിരീകരിച്ചു.മധ്യസ്ഥത വഹിക്കാന്‍ പുടിന്‍ സന്നദ്ധത പ്രകടിപ്പിച്ചുവെന്നും എന്നാല്‍ യുക്രെയ്ന്‍ യുദ്ധം അവസാനിപ്പിക്കുന്നതിലാണ് അദ്ദേഹം കൂടുതല്‍ ശ്രദ്ധ കേന്ദ്രീകരിക്കേണ്ടതെന്ന് താന്‍ നിര്‍ദ്ദേശിച്ചതായും ട്രംപ് പറഞ്ഞു. ഇറാന്‍ സംഘര്‍ഷത്തില്‍ ഒരു രാഷ്ട്രീയ-നയതന്ത്ര പരിഹാരത്തിനായി പുടിന്‍ ചില നിര്‍ദ്ദേശങ്ങളും മുന്നോട്ടുവെച്ചുവെന്നും റിപ്പോര്‍ട്ടുണ്ട്. ഇതിനു മുമ്പ് ഇറാന്‍ പ്രസിഡന്റ് മസൂദ് പെസെഷ്‌കിയാനുമായും പുടിന്‍ സംസാരിരിച്ചിരുന്നു. ശത്രുത അവസാനിപ്പിക്കണമെന്നും നയതന്ത്ര മാര്‍ഗത്തിലേക്ക് തിരിച്ചുവരണമെന്നുമാണ് പുടിന്‍ ഇറാനും നിര്‍ദേശം നല്‍കിയത്.