ബംഗാളിലെ ഭാംഗറിലേ സ്ഫോടന കേസിലെ സൂത്രധാരനെ തിരിച്ചറിഞ്ഞു

2026-06-06

പശ്ചിമ ബംഗാളിലെ ഭാംഗര്‍ ബോംബ് സ്ഫോടന കേസില്‍  പ്രധാന ഗൂഢാലോചന നടത്തിയത്  തൃണമൂല്‍ കോണ്‍ഗ്രസ്ന്റെ മുന്‍ എം.എല്‍.എ.യാണെന്ന് എന്‍.ഐ.എ. മുന്‍ എംഎല്‍എ സൗകത് മൊല്ലയെയാണ്  ഉദ്യോഗസ്ഥര്‍ തിരിച്ചറിഞ്ഞത്   .

ഒളിവില്‍ പോയ മുന്‍ എംഎല്‍എ മൊല്ലയെ എന്‍ഐഎ അറസ്റ്റ് ചെയ്തതായി അന്വേഷണ ഏജന്‍സി പുറപ്പെടുവിച്ച  പ്രസ്താവനയില്‍ അറിയിച്ചു .ഒളിവില്‍ ആയിരുന്ന സൗകത്  മൊല്ലയെ സൗത്ത് 24 പര്‍ഗാനാസില്‍ നിന്ന് ഉദ്യോഗസ്ഥര്‍ പിടികൂടി.മാര്‍ച്ച് 19 ന് ഒരു ക്രൂഡ് ബോംബ് നിര്‍മ്മാണത്തിനിടെയാണ് സ്‌ഫോടനം നടന്നത്. സ്ഫോടനത്തില്‍ ഒരു ബോംബ് നിര്‍മ്മാതാവ് കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു. കാനിംഗ് പുര്‍ബയില്‍ നിന്നുള്ള മുന്‍ നിയമസഭാംഗമായ മൊല്ല, സ്‌ഫോടനം നടന്നതുമായി ബന്ധപ്പെട്ട കേസില്‍ തെളിവുകളില്‍ നശിപ്പിക്കാന്‍ ശ്രമിച്ചതായും  അന്വേഷണത്തില്‍ വ്യക്തമായിട്ടുണ്ട്. തെളിവുകള്‍ നശിപ്പിക്കാന്‍  മറ്റ് പ്രതികളോട് മുന്‍ എം.എല്‍.എ ആവിശ്യപ്പെട്ടിരുന്നതായും  അറിയിപ്പില്‍ പറയുന്നു. സ്‌ഫോടനത്തിന് ശേഷം മരിച്ചവരെയും പരിക്കേറ്റവരെയും മുന്‍ എം.എല്‍.എ യുടെ  സ്‌കോര്‍പിയോ വാഹനത്തില്‍ കൊണ്ടുപോയ മറ്റൊരു പ്രതിയെ പിടികൂടിയതിനെ തുടര്‍ന്നാണ് എം.എല്‍.എ.യിലേക്കും അന്വേഷണം എത്തിച്ചേര്‍ന്നത്.