ദില്ലിയിലെ വിവിധയിടങ്ങളില്‍ ബോംബ് ഭീഷണി, സൂരക്ഷ ശക്തമാക്കി പോലീസ്

2026-08-14

സ്വാതന്ത്ര്യദിനത്തിന് തലേദിവസമായ ഇന്ന്  ദില്ലി  ഹൈക്കോടതി, ഇന്ദിരാഗാന്ധി അന്താരാഷ്ട്ര വിമാനത്താവളത്തിലെ ടെര്‍മിനല്‍ 3, ഡദില്ലി  കന്റോണ്‍മെന്റിലെ എസ്.ഡി.എം. ഓഫീസ് എന്നിവയുള്‍പ്പെടെ ദില്ലിയിലെ വിവിധയിടങ്ങളില്‍ ബോംബ് ഭീഷണി ലഭിച്ചു

സ്വാതന്ത്ര്യദിനത്തിന് മുന്നോടിയായി തലസ്ഥാനത്ത് അതീവ ജാഗ്രത നിലനില്‍ക്കെ ഇന്ന് നഗരത്തിലെ പല സര്‍ക്കാര്‍ സ്ഥാപനങ്ങള്‍ക്കും ബോംബ് ഭീഷണി സന്ദേശങ്ങള്‍ ലഭിച്ചതായി പോലീസ് അറിയിച്ചു. ഇതിനെത്തുടര്‍ന്ന് വിവിധ ഏജന്‍സികള്‍ പരിശോധനകളും സുരക്ഷാ നടപടികളും ആരംഭിക്കുകയും ചെയ്തു. ഡോഗ് സ്‌ക്വാഡ്, ബോംബ് നിര്‍വീര്യമാക്കല്‍ സംഘം, അഗ്‌നിശമന സേന, മറ്റ് സുരക്ഷാ ഏജന്‍സികള്‍ എന്നിവര്‍ പരിശോധന നടത്തിവരികയാണെന്നും ഇതുവരെ സംശയാസ്പദമായ ഒന്നും കണ്ടെത്താനായിട്ടില്ലെന്നും പോലീസ് വൃത്തങ്ങള്‍ വ്യക്തമാക്കി.ഹൈക്കോടതി രജിസ്ട്രാര്‍ ജനറല്‍ ദില്ലി  പോലീസുമായി  സഹായത്തിനായി ബന്ധപ്പെട്ടുവെന്നാണ്  കോടതി വൃത്തങ്ങള്‍ അറിയിച്ചത് .ഡല്‍ഹി ഹൈക്കോടതിയില്‍ സ്‌ഫോടനം നടത്തുമെന്നും  ഇമെയില്‍ സന്ദേശം  ലഭിച്ചെന്നും കോടതി അധികൃതര്‍   വ്യക്തമാക്കി. ബോംബ് നിര്‍വീര്യമാക്കുന്ന സംഘവും സ്‌നിഫര്‍ ഡോഗുകളും ഹൈക്കോടതി വളപ്പിലെത്തികുകയും ചെയ്തു.നിലവില്‍ ഹൈ കോടതി പരിസരം ഉള്‍പ്പടെ യുള്ള സ്ഥലങ്ങളില്‍  സുരക്ഷ ശക്തമാക്കിയിട്ടുണ്ട്.