റോഡില്‍ നവജാത ശിശുവിന്റെ മൃതദേഹം കണ്ടെത്തിയ കേസില്‍ മൂന്ന് പേര്‍ കസ്റ്റഡിയില്‍

2024-05-03

എറണാകുളം: പനമ്പള്ളിനഗറിലെ വിദ്യാനഗര്‍ റോഡില്‍ നവജാത ശിശുവിന്റെ മൃതദേഹം കണ്ടെത്തിയ കേസില്‍ നിര്‍ണായക വഴിത്തിരിവ്. അച്ഛനും അമ്മയും മകളും അടങ്ങുന്ന മുന്ന് പേരെ ചോദ്യം ചെയ്തു. മകള്‍ ഗര്‍ഭിണി ആയിരുന്നു എന്ന വിവരം തങ്ങള്‍ക്കു അറിയില്ലെന്നാണ് മാതാപിതാക്കള്‍ കമ്മീഷണറോട് പറഞ്ഞത്. ഇന്ന് രാവിലെയാണ് മകള്‍ ആണ്‍കുഞ്ഞിനെ പ്രസവിച്ചത്. കുഞ്ഞിനെ കൊന്നത് താനാണെന്ന് അതിജീവിതയുടെ അമ്മ കുറ്റം സമ്മതിച്ചു. റെയ്പ്പിനു വിധേയയായ അതിജീവിതയാണ് കുഞ്ഞിന്റെ അമ്മയെന്നും കമ്മീഷണര്‍ പറഞ്ഞു. കുഞ്ഞിന്റെ മൃതദേഹം സമീപത്തെ ഫ്‌ളാറ്റില്‍നിന്ന് താഴേക്ക് വലിച്ചെറിയുന്ന ദൃശ്യങ്ങള്‍ കണ്ടെടുത്തിരുന്നു. കുഞ്ഞിന്റ്റെ മൃതദേഹം ഇന്‍ക്വസ്റ് നടപടികള്‍ പൂര്‍ത്തിയാക്കി സ്ഥലത്തു നിന്നും മാറ്റി. സമീപത്തുള്ള ഫ്‌ളാറ്റില്‍നിന്ന് ഒരു പൊതി റോഡിലേക്കു വന്നു വീഴുന്നതാണു സിസിടിവി ദൃശ്യങ്ങളിലുള്ളത്. രാവിലെ എട്ടേകാലോടെയാണു സംഭവം നടന്നത്. റോഡിലേക്ക് എന്തോ വന്നു വീണതു കണ്ട് എത്തിയവര്‍ കണ്ടത് ചോരയില്‍ കുളിച്ചു കിടക്കുന്ന കുഞ്ഞിനെയാണ്. തുടര്‍ന്ന് പൊലീസിനെ വിവരം അറിയിക്കുകയും അവര്‍ സ്ഥലത്തെത്തി അന്വേഷണം ആരംഭിക്കുകയുമായിരുന്നു.