GENERAL NEWS
രേവണ്ണയ്ക്കെതിരെ ഇംഗ്ലണ്ടിലും പീഡനപ്പരാതി
2024-05-05
ജെഡിഎസ് ദേശീയ അധ്യക്ഷന് ദേവഗൗഡയുടെ മകനും ജെഡിഎസ് നേതാവുമായ രേവണ്ണയ്ക്കെതിരെ ഇംഗ്ലണ്ടിലും പീഡനപ്പരാതി. 1996-ല് ഹോട്ടലില് വെച്ച് സ്ത്രീയോട് രേവണ്ണ ലൈംഗികാതിക്രമം നടത്താന് ശ്രമിച്ചുവെന്നാണ് വെളിപ്പെടുത്തല്. ബിജെപി നേതാവും മുന് എംപിയുമായ എല്ആര് ശിവരാമ ഗൗഡയാണ് രേവണ്ണക്കെതിരെ ഗുരുതര ആരോപണവുമായി രംഗത്തെത്തിയത്.
അന്ന് പ്രധാനമന്ത്രിയായിരുന്ന ദേവഗൗഡ, കേസ് കഷ്ടപ്പെട്ടാണ് ഒതുക്കി തീര്ത്തതെന്നും യുകെയില് അന്വേഷിച്ചാല് കേസ് രേഖകള് ഇപ്പോഴും ഉണ്ടാകുമെന്നും ശിവരാമ ഗൗഡ പറയുന്നു. രേവണ്ണയുടെ കൂടെ അന്ന് ശിവരാമ ഗൗഡ ഉണ്ടായിരുന്നു. രേവണ്ണ അന്ന് കര്ണാടക ഹൗസിങ് വകുപ്പ് മന്ത്രി ആയിരുന്നുവെന്നും ശിവരാമ ഗൗഡ പറഞ്ഞു. ബലാത്സംഗ പരാതിയുടെ അടിസ്ഥാനത്തില് നേരത്തെ എംഎല്എ കൂടിയായ രേവണ്ണയെ പ്രത്യേകാന്വേഷണസംഘം കസ്റ്റഡിയിലെടുത്തിരുന്നു. ദേവഗൗഡയുടെ പത്മനാഭനഗറിലെ വസതിയില് നിന്നാണ് രേവണ്ണ പൊലീസിന്റെ പിടിയിലാകുന്നത്. രേവണ്ണയുടെ മുന്കൂര് ജാമ്യാപേക്ഷ ജനപ്രതിനിധികളുടെ കോടതി തള്ളിയിരുന്നു. രേവണ്ണയ്ക്കും മകന് പ്രജ്വലിനുമെതിരെ പൊലീസ് ലുക്ക് ഔട്ട് നോട്ടീസ് പുറപ്പെടുവിച്ചിരുന്നു. ലൈംഗിക പീഡന പരാതി ഉന്നയിച്ച ഇരയുടെ അമ്മയെ തട്ടിക്കൊണ്ടുപോയതിനാണ് എച്ച്ഡി രേവണ്ണയ്ക്കെതിരെ പ്രത്യേക അന്വേഷണ സംഘം കേസെടുത്തത്. രേവണ്ണയുടെ മകനും ഹാസനിലെ ജെഡിഎസ് സിറ്റിങ് എംപിയുമായ പ്രജ്വല് രേവണ്ണയ്ക്കെതിരെ ബലാത്സംഗ പരാതി ഉന്നയിച്ച കെ ആര് നഗര സ്വദേശിനിയുടെ അമ്മയെ തട്ടിക്കൊണ്ടു പോയി എന്നതാണ് കേസ്. ഹാസന് സ്വദേശി സതീഷ് ബാബണ്ണ എന്നയാള് ആണ് രേവണ്ണയുടെ നിര്ദേശ പ്രകാരം തന്റെ അമ്മയെ തട്ടിക്കൊണ്ട് പോയതെന്നും പരാതിയില് പറയുന്നുണ്ട്. കേസില് രേവണ്ണ ഒന്നാം പ്രതി ആണ്. സതീഷ് ബാബണ്ണ രണ്ടാം പ്രതിയുമാണ്.
News
ചൈനയില് നിന്നുള്ള മുഴുവന് ക്രെയിനുകളും വിഴിഞ്ഞത്ത് എത്തി
ഗാസ മുനമ്പിലെ ഏക കത്തോലിക്കാ ദൈവാലയം ഹോളി ഫാമിലി ഇടവക സന്ദര്ശിച്ച് ജറുസലേമിലെ ലാറ്റിന് ...
ക്രിസ്റ്റയുടെ പാട്ടുകള് ശ്രദ്ധ ആകര്ഷിക്കുന്നു
ആലപ്പുഴ ജില്ലയില് 12,678 വളര്ത്തുപക്ഷികളെ കൊല്ലും ശനിയാഴ്ച കള്ളിംഗിന് വിധേയമാക്കും
മുതലപ്പൊഴിയില് മത്സ്യബന്ധന വള്ളങ്ങള് തുടര്ച്ചയായി അപകടത്തില്പ്പെടുന്ന സംഭവത്തില് ന്യൂനപക്ഷ ...
സംസ്ഥാനത്ത് മഴ കനത്തു
ജനവാസമേഖലയില് വന്യമൃഗ ശല്യം രൂക്ഷമാകുന്ന പശ്ചാത്തലത്തില് കാടിറങ്ങുന്ന വന്യമൃഗങ്ങളുടെ സഞ്ചാര പാത ...
കരിമണല് ഖനനം സ്വകാര്യ മേഖലയ്ക്ക് കൈമാറാന് നീക്കം