ലെയോ പതിനാലാമന്‍ പാപ്പയുടെ ആരോഗ്യനിലയില്‍ നിരന്തരമായ പുരോഗതിയെന്ന് വത്തിക്കാന്‍ മെഡിക്കല്‍ സംഘം.

2026-10-16

 ലെയോ പതിനാലാമന്‍ പാപ്പയുടെ ആരോഗ്യനിലയില്‍ നിരന്തരമായ പുരോഗതിയെന്ന് വത്തിക്കാന്‍ മെഡിക്കല്‍ സംഘം. രാവിലെ നടത്തിയ രക്തപരിശോധനകളിലും നെഞ്ചിന്റെ എക്‌സ്-റേ പരിശോധനയിലും പാപ്പയുടെ ആരോഗ്യനില കൂടുതല്‍ മെച്ചപ്പെട്ടതായി സ്ഥിരീകരിച്ചു. വത്തിക്കാന്‍ ആരോഗ്യ വിഭാഗം ഡയറക്ടര്‍ ഡോ. ലൂയി കാര്‍ബോണും, ജെമെല്ലി ആശുപത്രിയിലെ വിദ്ഗദ്ധ സര്‍ജന്‍ പ്രൊഫസര്‍ സ്റ്റെഫാനോ മാര്‍ഗരിറ്റോറയും പുറത്തുവിട്ട ഏറ്റവും പുതിയ മെഡിക്കല്‍ റിപ്പോര്‍ട്ടിലാണ് പാപ്പയുടെ സുഖപ്രാപ്തിയെക്കുറിച്ചുള്ള കൂടുതല്‍ വിവരങ്ങള്‍ പങ്കുവെച്ചത്. ശ്വാസകോശ പ്രവര്‍ത്തനങ്ങള്‍ സാധാരണ നിലയിലാക്കുന്നതിനുള്ള ഫിസിയോതെറാപ്പി വ്യായാമങ്ങള്‍ കൃത്യമായി പുരോഗമിക്കുന്നുണ്ട്. ശസ്ത്രക്രിയയ്ക്ക് ശേഷമുള്ള അതിവേഗ രോഗമുക്തിയുടെ ഫലമായി തന്റെ സാധാരണ ദൈനംദിന കാര്യങ്ങളെല്ലാം ആരുടെയും സഹായമില്ലാതെ ചെയ്യാനുള്ള ആരോഗ്യം പരിശുദ്ധ പിതാവ് കൈവരിച്ചിട്ടുണ്ടെന്ന് മെഡിക്കല്‍ ടീം അറിയിച്ചു.