ഈറ്റുനോവിന്റെ കാലം ഏപ്രില്‍ 9 മുതല്‍ മെയ് 18 വരെ 40 ദിന ശുശ്രൂഷ

2024-04-09

കുടുംബങ്ങളുടെ വിശുദ്ധികരണവും കുഞ്ഞുങ്ങളുടെയും യുവജനങ്ങളുടെയും ആത്മരക്ഷയും ലക്ഷ്യമാക്കി പ്രത്യേക തത്സമയ ശുശ്രൂഷ. ഈറ്റുനോവിന്റെ കാലം എന്ന പേരിലുള്ള അത്യപൂര്‍വ 40 ദിന ശുശ്രൂഷയ്ക്ക് ഇന്ന് ആരംഭമാകും 

യുഗാന്ത്യകാലത്തിന്റെ നേര്‍ചിത്രങ്ങള്‍ കണ്‍മുന്‍പില്‍ തെളിയുകയും ദൈവകരുണയുടെ സമയത്തില്‍ നിന്ന് ദൈവനീതിയുടെ സമയത്തിലേക്ക് ലോകം പ്രവേശിക്കുന്നതിനുള്ള സൂചനകള്‍ അനാവരണം ചെയ്യപ്പെടുകയും ചെയ്യുന്ന പശ്ചാത്തലത്തില്‍ ആണ് പ്രത്യേക തത്സമയ ശുശ്രൂഷ ഷെക്കെയന ന്യൂസില്‍ ഒരുക്കിയിരിക്കുന്നത്. കര്‍ത്താവായ യേശുക്രിസ്തുവിന്റെ ദ്വിദീയാഗമനത്തിനു മുന്നോടിയായുള്ള അവസാന മണിക്കൂറിലൂടെ ലോകം കടന്നു പോകുമ്പോള്‍, സ്വര്‍ഗീയ ജ്ഞാനത്താല്‍ ഈ കാലത്തെ വിവേചിച്ചറിയാന്‍ പരിശുദ്ധ ബൈബിളും സ്വര്‍ഗ്ഗം പരിശുദ്ധ മറിയത്തിലൂടെ നല്‍കുന്ന മുന്നറിയിപ്പുകളും സഭയുടെ പഠനങ്ങളും സാക്ഷിയാക്കി ഷെക്കെയ്‌ന ന്യൂസില്‍ ഒരുക്കിയിരിക്കുന്ന 40 ദിനം നീണ്ടു നില്‍ക്കുന്ന അത്യപൂര്‍വ്വ തല്‍സമയ ശുശ്രൂഷ ഈറ്റുനോവിന്റെ കാലം, ഏപ്രില്‍ 9 മുതല്‍ മെയ് 18 വരെയുള്ള ദിനങ്ങളില്‍ രാത്രി 9.00 മുതല്‍ 10.30വരെ സംപ്രേക്ഷണം ചെയ്യുന്നു. ആത്മരക്ഷ ഉറപ്പുവരുത്തി കര്‍ത്താവായ യേശുക്രിസ്തുവിന്റെ പ്രത്യാഗമനത്തിനായി വിശുദ്ധിയോടെ ഒരുങ്ങാനും അനേകരെ ഒരുക്കുവാനുമായി ക്രമീകരിച്ചിരിക്കുന്ന ശുശ്രൂഷക്കായ് പ്രാര്‍ത്ഥനാപൂര്‍വ്വമുള്ള തയ്യാറെടുപ്പിലാണ് പ്രേക്ഷകര്‍