എത്യോപ്യയില്‍ പട്ടിണി രൂക്ഷം ഭക്ഷണമെത്തിക്കാന്‍ ശ്രമിച്ച് ചാരിറ്റി സംഘടനകളും സന്യാസിനിമാരും

2024-04-20

എത്യോപ്യയില്‍ പട്ടിണി രൂക്ഷമാകുന്ന സാഹചര്യത്തില്‍ വിശന്നുവലയുന്ന കുട്ടികള്‍ക്ക് ഭക്ഷണം എത്തിക്കുന്നതിനായി കത്തോലിക്കാ സന്യാസിനിമാരുമായി കൈകോര്‍ത്തു പ്രവര്‍ത്തിക്കുകയാണ് ആഗോള സ്‌കൂള്‍ഫീഡിംഗ് ചാരിറ്റിയായ മേരിസ് മീല്‍സ്. മേരിസ് മീല്‍സിന്റെ സ്ഥാപകനും സി.ഇ.ഒയും ആയ മാക്ഫര്‍ലെയ്ന്‍ബാരോ കഴിഞ്ഞ മാസം വടക്കന്‍ എത്യോപ്യ സന്ദര്‍ശിച്ചപ്പോള്‍ കണ്ട കാഴ്ചകള്‍ ഏറെ വേദനിപ്പിക്കുന്നതായിരുന്നു. ഈ സാഹചര്യത്തിലാണ് ഡോട്ടേഴ്‌സ് ഓഫ് ചാരിറ്റിയുമായി കൈകോര്‍ത്തു പ്രവര്‍ത്തിക്കുവാന്‍ അദ്ദേഹം ആരംഭിച്ചത്

എത്യോപ്യന്‍ ഫെഡറല്‍ ഗവണ്‍മെന്റും എറിത്രിയയും ടിഗ്രേ പീപ്പിള്‍സ് ലിബറേഷന്‍ ഫ്രണ്ടും തമ്മിലുള്ള രണ്ടുവര്‍ഷത്തെ ക്രൂരമായ യുദ്ധത്തില്‍ ഈ മേഖലയിലേക്കുള്ള അതിര്‍ത്തികള്‍ അടച്ചപ്പോഴും സിസ്റ്റര്‍ മെദിന്‍ ടെസ്‌പെയുടെ നേതൃത്വത്തിലുള്ള ഡോട്ടേഴ്‌സ് ഓഫ് ചാരിറ്റി സന്യാസിനിമാര്‍ ഈ മേഖലയില്‍ സേവനം തുടര്‍ന്നു. സംഘട്ടനസമയത്ത് ഈ സന്യാസിനിമാര്‍ മാത്രമാണ് ഇവിടെ സഹായമായി നിലകൊണ്ടത്.

'നിലവിലുള്ള സംഘര്‍ഷം, പതിവ് ആശയവിനിമയ തടസ്സങ്ങള്‍, ബാങ്കിംഗ് സേവനങ്ങളുടെ തടസം, വിതരണ റൂട്ടുകള്‍ അടച്ചുപൂട്ടല്‍ എന്നിവ മൂലം നിരവധി വെല്ലുവിളികള്‍ ഉണ്ടായിരുന്നു. എന്നാല്‍ ഈ സന്യാസിനിമാര്‍ അര്‍പ്പണബോധമുള്ളവരാണെന്നും ഇവര്‍ മൂലമാണ് ആവശ്യക്കാരായ ജനങ്ങളിലേയ്ക്ക് സഹായങ്ങള്‍ എത്തിക്കാന്‍ സാധിക്കുന്നതെന്നും സംഘടനയുടെ സ്ഥാപകനായ ബാരോ പറഞ്ഞു. 

1970 ന്റെ തുടക്കം മുതല്‍ ഡോക്ടര്‍സ് ഓഫ് ചാരിറ്റി സന്യാസിനിമാര്‍ എത്യോപിയില്‍ സേവനം അനുഷ്ഠിച്ചുവരുന്നു. ഏശദേശം 65 ഓളം സന്യാസിനിമാരാണ് ഇപ്പോള്‍ എത്യോപിയയില്‍ ഉള്ളത് അതില്‍ 15 പേരും ടിഗ്രെയിലാണ് സേവനം ചെയുന്നത്. 

2020 മുതല്‍ 2 വര്‍ഷത്തോളം നീണ്ടുനിന്ന യുദ്ധം രാജ്യത്തെ എല്ലാ മേഖലയെയും ബാധിച്ചു ആവശ്യസാധനകള്‍ ലഭിക്കാതെയും പട്ടിണി കിടന്നും അനേകര്‍ മരിച്ചു. 2023 ല്‍ യുദ്ധം അവസാനിച്ചെങ്കിലും അനേകര്‍ അതിന്റെ പരിണിതഫലം ഇപ്പോഴും അനുഭവിച്ചുകൊണ്ടിരിക്കുകയാണ്.