CHURCH NEWS
പാക്കിസ്ഥാനില് പുതിയ ക്രിസ്ത്യന് മന്ത്രി
2024-04-20
പാക്കിസ്ഥാനിലെ പഞ്ചാബ് പ്രവിശ്യയിലെ മനുഷ്യാവകാശ വകുപ്പിന്റെ മന്ത്രിയായി ക്രൈസ്തവ വിശ്വാസിയായ ഖലീല് താഹിര് സിന്ധു തെരഞ്ഞെടുക്കപ്പെട്ടു. പ്രദേശത്തെ ക്രൈസ്തവര്ക്ക് വലിയ പ്രതീക്ഷ പകര്ന്നുക്കൊണ്ടാണ് കത്തോലിക്ക വിശ്വാസിയും അഭിഭാഷകനുമായ താഹിര് സിന്ധു തെരഞ്ഞെടുക്കപ്പെട്ടിരിക്കുന്നത്.
പാക്ക് മന്ത്രിസഭയില് സാധാരണയായി ക്രൈസ്തവര് തെരഞ്ഞെടുക്കപ്പെടുന്നത് വളരെ വിരളമായ സംഭവമാണ്. വര്ഷങ്ങളായി സജീവമായ രാഷ്ട്രീയ ഇടപെടലുമായി രംഗത്തുള്ള പാക്കിസ്ഥാന് മുസ്ലീം ലീഗ്നവാസ് ലിസ്റ്റിലെ ക്രിസ്ത്യന് പ്രതിനിധിയും പാര്ലമെന്റ് തിരഞ്ഞെടുപ്പില് ന്യൂനപക്ഷ സീറ്റിലേക്കുള്ള സ്ഥാനാര്ത്ഥിയുമായിരിന്നു താഹിര് സിന്ധു. സാംസ്കാരികമായും ധാര്മ്മികമായും ആത്മീയമായും വിവിധ വിഷയങ്ങളില് അദ്ദേഹം പുലര്ത്തുന്ന ശക്തമായ നിലപാടുകള് ഇസ്ലാമിക ഗ്രൂപ്പുകള് ഉള്പ്പെടെ പാര്ലമെന്റിലെ വിവിധ പാര്ട്ടികള് ബഹുമാനിക്കുന്നുണ്ട്. പഞ്ചാബ് പ്രവിശ്യാ ഗവണ്മെന്റില് മനുഷ്യാവകാശന്യൂനപക്ഷ പ്രവിശ്യാ മന്ത്രിയായും 2013ല് ആരോഗ്യ മന്ത്രിയായും അദ്ദേഹം സേവനം ചെയ്തിട്ടുണ്ട്. 57 വയസ്സുള്ള സിന്ധു, യഥാര്ത്ഥത്തില് ഫൈസലാബാദ് സ്വദേശിയാണ്. ക്രിസ്ത്യന് ന്യൂനപക്ഷങ്ങളുടെ അവകാശങ്ങള്ക്കായി മുന്നില് നിന്നു പോരാടുന്ന വ്യക്തി കൂടിയാണ് താഹിര് സിന്ധു. 2013 ജൂലൈയില് മതനിന്ദ ആരോപിച്ച് അറസ്റ്റിലായ ക്രിസ്ത്യന് ദമ്പതികളായ ഷഗുഫ്ത കൗസര്, ഷഫ്ഖത്ത് ഇമ്മാനുവല് എന്നിവര്ക്ക് വേണ്ടി തുടര്ച്ചയായ നിയമ പോരാട്ടം നടത്തിയ സമിതിയിലെ അംഗമായിരുന്നു സിന്ധു. ആദ്യ ഘട്ടത്തില് വധശിക്ഷയ്ക്ക് വിധിക്കപ്പെട്ട അവരെ 2021ല് ലാഹോര് അപ്പീല് കോടതി കുറ്റവിമുക്തരാക്കി. വധശിക്ഷയ്ക്ക് വിധിക്കപ്പെട്ട പാകിസ്ഥാന് വനിത ആസിയ ബീബിയെ മോചിപ്പിക്കാന് ഇടയാക്കിയ പ്രസിദ്ധമായ വിചാരണയിലും സിന്ധു പ്രത്യേക ഇടപെടല് നടത്തിയിട്ടുണ്ട്.
News
10 പേര്ക്ക് വെസ്റ്റ്നൈല് ഫീവര് സ്ഥിരീകരിച്ചു
ഡ്രൈവിങ് ടെസ്റ്റില് അനിശ്ചിതത്വം പൊലീസ് സംരക്ഷണയില് ടെസ്റ്റുകള് നടത്താന് എം.വി.ഡി
ഏപ്രിലിലെ വൈദ്യുതി ഉപയോഗം കേരളം ദേശീയ ശരാശരിയേക്കാള് മുന്നില്
സര്വകലാശാലകളിലെ പലസ്തീന് അനുകൂല റാലികള്ക്ക് സാമ്പത്തിക പിന്തുണ നല്കുന്നത് ജോര്ജ്ജ് സോറോസ്
കെഎസ്ആര്ടിസിയിലെ താല്ക്കാലിക ഡ്രൈവര്,കണ്ടക്ടര് നിയമനം പൊലീസ് ക്ലിയറന്സ് സര്ട്ടിഫിക്കറ്റ് ...
തന്നെ മാറ്റാന് ബോധപൂര്വ്വം ശ്രമം നടക്കുന്നതായി സുധാകരന്
ലൈംഗീക പീഡന ശ്രമം; ആരോപണങ്ങളെ തള്ളി ഗവര്ണ്ണര്
രേവണ്ണയ്ക്കെതിരെ ഇംഗ്ലണ്ടിലും പീഡനപ്പരാതി