ബുര്‍ക്കിന ഫാസോയില്‍ കാറ്റക്കിസ്റ്റിനെ തട്ടിക്കൊണ്ടുപോയി; മൃതദേഹം സിഗ്നിക്കു സമീപം കണ്ടെത്തി.

2024-04-20

ആഫ്രിക്കയിലെ ബുര്‍ക്കിന ഫാസോയില്‍ കാറ്റക്കിസ്റ്റിനെ തട്ടിക്കൊണ്ടുപോയി കൊലപ്പെടുത്തി. ഏപ്രില്‍ 18 നാണ് മതബോധന പണ്ഡിതനായ എഡ്വാര്‍ഡ് യൂഗ്‌ബെരെയെ തീവ്രവാദികള്‍ കൊലപ്പെടുത്തിയത്. 

ബുര്‍ക്കിന ഫാസോയിലെ ഫാഡ ഗൗര്‍മയിലെ സാറ്റെംഗ ഇടവകയിലെ അംഗമായിരുന്നു യൂഗ്‌ബെരെയ. 'യൂഗ്‌ബെരെയുടെ നഷ്ടത്തില്‍ ഞങ്ങളുടെ ഹൃദയം തകര്‍ന്നിരിക്കുന്നുവെന്നും. അദ്ദേഹം തന്റെ സമൂഹത്തെ വിശ്വസ്തതയോടെ സേവിച്ചുവെന്നും, അദ്ദേഹത്തിന്റെ മരണം സാറ്റെംഗയിലെ ജനങ്ങള്‍ക്ക് വലിയ ആഘാതമാണ്' എന്നും ഇന്റര്‍നാഷണലിന്റെ പ്രസ് ആന്‍ഡ് പബ്ലിക് റിലേഷന്‍സ് ഡയറക്ടര്‍ സ്‌പെയിന്‍കാരിയായ മരിയ ലൊസാനോ പറഞ്ഞു.

രണ്ടു മാസം മുമ്പ്, ഡോറി രൂപതയില്‍ ഒരു ചാപ്പലില്‍ ഞായറാഴ്ച പ്രാര്‍ഥനയ്ക്ക് നേതൃത്വം നല്‍കുന്നതിനിടെ മറ്റൊരു കാറ്റക്കിസ്റ്റ് കൊല്ലപ്പെട്ടിരുന്നു. ബുര്‍ക്കിന ഫാസോയില്‍ അപകടകരമായ സുരക്ഷാസാഹചര്യമാണ് നിലവിലുള്ളത്. ഇസ്‌ലാമിക തീവ്രവാദ ഗ്രൂപ്പുകള്‍ ക്രിസ്ത്യാനികളെ ലക്ഷ്യമിട്ടുകൊണ്ട് ബുര്‍ക്കിന ഫാസോയിലെ നിരന്തരം ആക്രമണങ്ങള്‍ നടത്തുന്നതിനാല്‍ ഇവിടുത്തെ ക്രൈസ്തവര്‍ വളരെ ഭീതിയിലാണ്. ഞായറാഴ്ചകളില്‍ പോലും ദേവാലയങ്ങളില്‍ പോകാന്‍ സാധിക്കാത്ത സ്ഥിതിയാണ് ഇപ്പോള്‍ ഇവിടെ ഉള്ളത്.