ഇമാമിനെ നാടുകടത്തി ഫ്രാന്‍സ്‌

2024-04-21

യഹൂദവിരോധം പ്രകടിപ്പിക്കുന്ന ഹദീസ് ഉദ്ധരിച്ചതിന്റെ പേരില്‍ ഇമാമിനെ ഫ്രാന്‍സ് നാടുകടത്തി. 1985 മുതല്‍ ഫ്രാന്‍സില്‍ താമസിക്കുന്ന ഇമാമിനെയാണ് കഴിഞ്ഞ വെള്ളിയാഴ്ച മാതൃ രാജ്യമായ അള്‍ജീരിയയിലേക്കു നാടുകടത്തിയത്. 

ആഭ്യന്തരമന്ത്രി ജെറാള്‍ഡ് ദര്‍മാനെന്‍ ഒപ്പുവച്ച ഉത്തരവുപ്രകാരം വെള്ളിയാഴ്ച രാവിലെ ഇമാം മൊഹമ്മദ് താത്തായിയെ അറസ്റ്റ് ചെയ്യുകയും ഉച്ചകഴിഞ്ഞു വിമാനമാര്‍ഗം അള്‍ജീരിയയില്‍ എത്തിക്കുകയുമായിരുന്നു. 

തുളൂസിലെ അല്‍ നൂര്‍ മോസ്‌കോയില്‍ ഇമാമായിരുന്ന താത്തായിയുടെ പൗരത്വത്തിനുള്ള അപേക്ഷ 2002ലും 2007 ലും തിരസ്‌കരിച്ചിരുന്നു. 2010 ജൂണില്‍ മോസിന്റെ ഉദ്ഘാട വേളയില്‍ യഹൂദരും മുസ്ലിംകളും തമ്മിലുള്ള അന്തിമയുദ്ധത്തെപ്പറ്റി ഉദ്ധരിച്ച ഹദീസിന്റെ പേരിലാണ് ഇപ്പോഴത്തെ പുറത്താക്കല്‍, ഈ ഹദീസ് മത വിഭാഗങ്ങള്‍ തമ്മിലുള്ള വിദ്വേഷത്തിനും യഹൂദര്‍ക്കെതിരേയുള്ള വിവേച നത്തിനും കാരണമാകുമെന്ന് ആരാപിച്ച് 2010 സെപ്റ്റംബറിലാണ് കേസ് ആരംഭിച്ചത്. സന്ദര്‍ഭത്തില്‍നിന്ന് അടര്‍ത്തിമാറ്റിയ വ്യാഖ്യാനമാണെന്നും അറബിഭാഷയില്‍നിന്നുള്ള തെറ്റായ തര്‍ജമയാണെന്നുമുള്ള വാദം കോടതി അംഗീകരിച്ചില്ല. 2017ല്‍ പ്രസിഡണ്ട് ട്രംപ് ജറുസലേമിലെ തലസ്ഥാനമായി അംഗീകരിച്ചതിനെ വിമര്ശിച്ചപ്പോഴും ഇദ്ദേഹം യഹൂദ വിദ്വെഷം പ്രകടിപ്പിച്ചതായി ആരോപണ മുയര്‍ന്നിരുന്നു. ഹമാസ് ഭീകരര്‍ ഒക്ടോബര്‍ 7 ന് ഇസ്രയേലിനെ ആക്രമിച്ചതിന് ശേഷം ഫ്രാന്‍സില്‍ യഹൂദ വിരോധം ശക്തമാവുകയും ചെയ്തിരുന്നു. ഇതേത്തുടര്‍ന്നായിരുന്നു നടപടി.