ബന്ദികളെ ഉടന്‍ മോചിപ്പിക്കണം ഇസ്രായേലില്‍ പ്രതിഷേധം ശക്തം

2024-04-21

ഹമാസ് പിടിയിലുള്ള ബന്ദികളെ ഉടന്‍ മോചിപ്പിക്കണമെന്ന് ആവശ്യപ്പെട്ട് ഇസ്രായേലില്‍ വന്‍ പ്രക്ഷോഭം. ഇസ്രായേലിലെ ജെറുസലേമിലും ടെല്‍അവീവിലും മറ്റ് പ്രധാന നഗരങ്ങളിലും ആയിരങ്ങളാണ് തെരുവിലിറങ്ങിയത്. 133 ബന്ദികളാണ് ഗാസയില്‍ ഹമാസിന്റെ രഹസ്യ താവങ്ങളില്‍ ഇപ്പോഴും ഉള്ളത്. 

ഗാസയില്‍ ഇസ്രായേലിന്റെ സൈനീക നടപടി അതിന്റെ ഏഴാം മാസത്തിലേക്ക് നീങ്ങുമ്പോഴും പാലസ്റ്റീന്‍ തീവ്രവാദി സംഘമായ ഹമാസിന്റെ തടവിലുള്ള 133 ഇസ്രയേലി ബന്ധികളുടെ മോചനം സാധ്യമാകാത്തതിനാല്‍ ഇസ്രായേലില്‍ ജനരോക്ഷം വര്‍ദ്ധിക്കുകയാണ്. ബന്ദികളുടെ മോചനവുമായി ബന്ധപ്പെട്ട സര്‍ക്കാര്‍ നടപടികളില്‍ അവര്‍ പൂര്‍ണ്ണ തൃപ്തരല്ല. സര്‍ക്കാര്‍ സമാധാന ചര്‍ച്ചകളുമായി മുന്നോട്ടു പോകുകയാണ്. ബന്ദികളുടെ മോചനകാര്യത്തില്‍ ഹമാസ് ഇപ്പോഴും വിലപേശല്‍ നിലപാടാണ് സ്വീകരിച്ചുപോരുന്നത്. അമേരിക്കയുടെയും, ഈജിപ്തിന്റെയും, ഖത്തറിന്റെയും, നേതൃത്വത്തിലാണ് സമാധാന ചര്‍ച്ചകള്‍ പുരോഗമിച്ചിരുന്നത്. കുഞ്ഞുങ്ങള്‍ മുതല്‍ 85 വയസ്സുള്ള അമ്മമാര്‍ വരെ ഹമാസ് പാളയത്തില്‍ തടവിലുണ്ട്. രോഗികളായ ചിലര്‍ അക്കൂട്ടത്തില്‍പ്പെടുന്നു. അവരുടെ ആരോഗ്യത്തെ കുറിച്ച് ബന്ദികളുടെ കുടുംബാംങ്കങ്ങള്‍ ആകുലരാണ്. തങ്ങളുടെ പ്രിയപ്പെട്ടവര്‍ ദുരൂഹ സാഹചര്യങ്ങളില്‍ തീവ്രവാദികളുടെ ഭീഷിണിയില്‍ ജീവിക്കുന്നു. അവരുടെ ജീവന് അപായമൊന്നും സംഭവിച്ചിട്ടില്ലെന്നാണ് ഞങ്ങള്‍ വിശ്വസിക്കുന്നതെന്നും. സര്‍ക്കാര്‍ ഈ കാര്യത്തില്‍ ഇടപ്പെട്ടു ബന്ദികളെ ഉടന്‍ ഇസ്രായേലില്‍ തിരികെയെത്തിക്കണമെന്നും ഹമാസ് പിടിയിലുള്ള ബന്ദികളുടെ കുടുംബാങ്ങങ്ങള്‍ ആവശ്യപ്പെട്ടു.