ടെല്‍ അവീവിലേക്ക് ബ്രിട്ടീഷ് എയര്‍വേയ്സ് സര്‍വീസുകള്‍ പുനരാരംഭിക്കുന്നു. ഒക്ടോബര്‍ 25 മുതല്‍ വിമാനങ്ങള്‍ പറന്ന് തുടങ്ങും

2026-10-08

ഞ/ സംഘര്‍ഷങ്ങളെത്തുടര്‍ന്ന് സര്‍വീസുകള്‍ നിര്‍ത്തിവെച്ചിരുന്ന ബ്രിട്ടീഷ് എയര്‍വേയ്സ്, ഒക്ടോബര്‍ 25 മുതല്‍ ഇസ്രായേലിലേക്കുള്ള വിമാന സര്‍വീസുകള്‍ ഔദ്യോഗികമായി പുനരാരംഭിക്കുന്നു. ലണ്ടനിലെ ഹീത്രൂ വിമാനത്താവളത്തില്‍ നിന്ന് ടെല്‍ അവീവിലെ ബെന്‍ ഗുരിയോണ്‍ അന്താരാഷ്ട്ര വിമാനത്താവളത്തിലേക്ക് ദിവസേനയുള്ള സര്‍വീസുകളാണ് ആദ്യ ഘട്ടത്തില്‍ പുനരാരംഭിക്കുന്നത്.

ഢ/ഛ കഴിഞ്ഞ കാലങ്ങളിലെ യുദ്ധ സാഹചര്യങ്ങളിലും വിദേശ എയര്‍ലൈനുകള്‍ സുരക്ഷാകാരണങ്ങളാല്‍ സര്‍വീസുകള്‍ പിന്‍വലിച്ചപ്പോഴും, ഇസ്രായേലിലേക്കും തിരിച്ചുമുള്ള യാത്രക്കാര്‍ പൂര്‍ണ്ണമായും ഇസ്രായേലി എയര്‍ലൈനുകളെ ആയിരുന്നു ആശ്രയിച്ചിരുന്നത്. പിന്നീട് ഏപ്രിലിലെ വെടിനിര്‍ത്തലിന് ശേഷവും, ജൂണില്‍ യുഎസും ഇറാനും തമ്മിലുള്ള ധാരണാപത്രത്തിലെ മാറ്റങ്ങളെത്തുടര്‍ന്നുമാണ് വിദേശ വിമാനക്കമ്പനികള്‍ ഇസ്രായേലിലേക്കുള്ള സര്‍വീസുകള്‍ ഘട്ടംഘട്ടമായി തിരികെ കൊണ്ടുവന്നത്. എങ്കിലും ഈ രംഗത്ത് സര്‍വീസുകള്‍ പുനരാരംഭിക്കുന്നതില്‍ ഏറ്റവും ഒടുവിലത്തെ പ്രമുഖ അന്താരാഷ്ട്ര കാരിയറുകളില്‍ ഒന്നാണ് ബ്രിട്ടീഷ് എയര്‍വേയ്സ്.

യുഎസിലെ പ്രധാനപ്പെട്ട രണ്ട് എയര്‍ലൈനുകളായ ഡെല്‍റ്റയും യുണൈറ്റഡും കഴിഞ്ഞ മാസം മാത്രമാണ് ഇസ്രായേലിലേക്കുള്ള സര്‍വീസുകള്‍ പുനരാരംഭിച്ചത്. അതേസമയം, സുരക്ഷാ സാഹചര്യങ്ങള്‍ മുന്‍നിര്‍ത്തി അമേരിക്കന്‍ എയര്‍ലൈന്‍സ് തങ്ങളുടെ ന്യൂയോര്‍ക്കില്‍ നിന്നുള്ള സര്‍വീസുകള്‍ 2027 മാര്‍ച്ച് 27 വരെ താല്‍ക്കാലികമായി നിര്‍ത്തിവെച്ചിരിക്കുകയാണ്.