ആകാശസീമകളില്‍ വജ്രശോഭ, 94-ാം വ്യോമസേനാ ദിനാഘോഷ നിറവില്‍ ഭാരതം

2026-10-08

 ഭാരതത്തിന്റെ അതിരുകള്‍ക്ക് കാവലായി,ശത്രുക്കള്‍ക്ക് മുന്നില്‍ അതിശക്തമായ പ്രതിരോധക്കോട്ട തീര്‍ത്ത് ഇന്ത്യന്‍ വ്യോമസേന ഇന്ന് 94-ാം വാര്‍ഷികം ആഘോഷിക്കുന്നു. യുദ്ധവിമാനങ്ങളുടെ ഗര്‍ജ്ജനവും ആകാശാഭ്യാസങ്ങളുടെ വിസ്മയക്കാഴ്ചകളും ദേശീയ സുരക്ഷയ്ക്കായുള്ള പ്രതിജ്ഞയും ദിനാഘോഷങ്ങള്‍ക്ക് ആവേശമായി

''നഭഃ സ്പര്‍ശം ദീപ്തം',ആകാശത്തെ മഹത്വത്തോടെ സ്പര്‍ശിക്കുക. ആകാശസീമകളില്‍ വജ്രശോഭപരത്തി വ്യോമസേനയുടെ 94-ാംവാര്‍ഷികം.ഭാരതത്തിന്റെ അതിരുകള്‍ക്ക് കാവലായി,ശത്രുക്കള്‍ക്ക് മുന്നില്‍ അതിശക്തമായ പ്രതിരോധക്കോട്ട തീര്‍ത്ത് ഇന്ത്യന്‍ വ്യോമസേനയുടെ പ്രയാണം തുടരുന്നു. 1932 ഒക്ടോബര്‍ 8-നാണ് ബ്രിട്ടീഷ് ഭരണകാലത്ത് റോയല്‍ ഇന്ത്യന്‍ എയര്‍ഫോഴ്സ് എന്ന പേരില്‍ സേന ഔദ്യോഗികമായി രൂപീകൃതമായത്. 1950-ല്‍ ഇന്ത്യ റിപ്പബ്ലിക്കായതോടെ 'റോയല്‍' എന്ന വാക്ക് ഒഴിവാക്കി 'ഇന്ത്യന്‍ എയര്‍ഫോഴ്സ്' എന്ന പേര് നല്‍കപ്പെട്ടു. ലോകത്തിലെ തന്നെ ഏറ്റവും കരുത്തുറ്റ വ്യോമസേനകളില്‍ നാലാം സ്ഥാനത്താണ് ഇന്ത്യ.1932 ഒക്ടോബര്‍ 8-ന് വെറും അഞ്ച് പൈലറ്റുമാരും നാല്  വിമാനങ്ങളുമായി പ്രയാണം ആരംഭിച്ച വ്യോമസേന, ഇന്ന് ലോകത്തിലെ ഏറ്റവും കരുത്തുറ്റ നാലാമത്തെ വ്യോമശക്തിയായി ആകാശസീമകളെ ഭരിക്കുകയാണ്.തദ്ദേശീയ സാങ്കേതികവിദ്യയുടെ മികവില്‍ നിര്‍മ്മിച്ച തേജസ് യുദ്ധവിമാനങ്ങളും, റഫാല്‍, സുഖോയ്-30, അപ്പാചെ ഹെലികോപ്റ്ററുകളും അണിനിരക്കുന്ന പരേഡുകളും സാഹസിക അഭ്യാസപ്രകടനങ്ങളുമാണ് ആഘോഷങ്ങളുടെ പ്രധാന ആകര്‍ഷണം. 'ആത്മനിര്‍ഭര്‍ ഭാരത്' ആശയത്തിലൂന്നി സ്വയംപര്യാപ്തത കൈവരിച്ച് ആകാശപ്പോരാട്ടങ്ങളില്‍ പുതിയ അധ്യായം കുറിക്കുകയാണ് വ്യോമസേന.യുദ്ധക്കളങ്ങളിലെ പ്രഹരശേഷിക്കൊപ്പം, പ്രകൃതിദുരന്തങ്ങളിലും പ്രവാസികളുടെ രക്ഷാദൗത്യങ്ങളിലും കൈത്താങ്ങാവുന്ന ജീവകാരുണ്യത്തിന്റെ ചിറകുകള്‍ കൂടിയാണ് ഭാരതത്തിന്റെ ഈ ആകാശക്കരുത്ത്.ശത്രുവിന്റെ കണ്ണെത്തും മുമ്പേ ആകാശത്ത് പ്രതിരോധവലയം തീര്‍ത്ത്, രാജ്യത്തിന്റെ പരമാധികാരത്തിന് കരുത്തുറ്റ കാവലായി ,ചിറകുകളില്‍ ചങ്കൂറ്റവും ധീരതയുമായ രാജ്യത്തിന്റെ ആകാശകാവലായ ധീരയോദ്ധാക്കള്‍ക്ക്് ഹൃദയപൂര്‍വ്വം സല്യൂട്ട്.