അബോര്‍ഷന്‍ ക്ലിനിക്കിന് മുന്നില്‍ ബിഷപ്പ് ഏള്‍ ഫെര്‍ണാണ്ടസിന്റെ പ്രാര്‍ത്ഥനാ സമരം, ഫ്രാങ്ക്‌ലിന്‍ കൗണ്ടിയില്‍ പ്രതിദിനം ശരാശരി 12 ഗര്‍ഭച്ഛിദ്രങ്ങള്‍ നടക്കുന്നതായി കണക്കുകള്‍, നവംബര്‍ 1 വരെ നീളുന്ന പ്രോ-ലൈഫ് ക്യാമ്പെയ്‌നില്‍ വിശ്വാസികള്‍ അണിചേരണമെന്ന് ആഹ്വാനം

2026-10-21

അമേരിക്കയിലെ കൊളംബസില്‍ 'ഫോര്‍ട്ടി ഡേയ്‌സ് ഫോര്‍ ലൈഫ്' ക്യാമ്പെയ്‌ന്റെ ഭാഗമായി ഗര്‍ഭച്ഛിദ്ര ക്ലിനിക്കിന് മുന്നില്‍ പ്രാര്‍ത്ഥനാ സംഗമവുമായി ഇന്ത്യന്‍ അമേരിക്കന്‍ ബിഷപ്പ് ഏള്‍ ഫെര്‍ണാണ്ടസ്. പ്രോ-ലൈഫ് പ്രവര്‍ത്തകര്‍ക്കൊപ്പം ക്ലിനിക്കിന് മുന്‍പില്‍ ജപമാല പ്രാര്‍ത്ഥന നടത്തി ബിഷപ്പ്. 

അമേരിക്കയിലെ കൊളംബസില്‍ 'ഫോര്‍ട്ടി ഡേയ്‌സ് ഫോര്‍ ലൈഫ്' ക്യാമ്പെയ്‌ന്റെ ഭാഗമായി ഗര്‍ഭച്ഛിദ്ര ക്ലിനിക്കിന് മുന്നില്‍ പ്രാര്‍ത്ഥനാ സംഗമവുമായി ഇന്ത്യന്‍ അമേരിക്കന്‍ ബിഷപ്പ് ഏള്‍ ഫെര്‍ണാണ്ടസ്. കൊളംബസിലെ ഈസ്റ്റ് മെയിന്‍ സ്ട്രീറ്റിലുള്ള പ്ലാന്‍ഡ് പാരന്റ്ഹുഡ് സര്‍ജിക്കല്‍ ക്ലിനിക്കിന് മുന്നിലാണ് ബിഷപ്പ് ഏള്‍ ഫെര്‍ണാണ്ടസും ഗ്രേറ്റര്‍ കൊളംബസ് റൈറ്റ് ടു ലൈഫ് പ്രവര്‍ത്തകരും പ്രാര്‍ത്ഥനയ്ക്കായി ഒത്തുചേര്‍ന്നത്. ഗര്‍ഭച്ഛിദ്രത്തിനെതിരെയും ഗര്‍ഭസ്ഥ ശിശുക്കളുടെ ജീവന്റെ സംരക്ഷണത്തിനായുമുള്ള അന്താരാഷ്ട്ര പ്രസ്ഥാനമായ 'ഫോര്‍ട്ടി ഡേയ്‌സ് ഫോര്‍ ലൈഫ്' പ്രാര്‍ത്ഥനാ യജ്ഞത്തിന് ആവേശം പകരുന്നതായിരുന്നു ബിഷപ്പിന്റെ സന്നിധ്യം.ഫ്രാങ്ക്‌ലിന്‍ കൗണ്ടിയില്‍ മാത്രം പ്രതിദിനം ശരാശരി 12 ഗര്‍ഭച്ഛിദ്രങ്ങള്‍ നടക്കുന്ന സാഹചര്യത്തിലാണ് പ്രോ-ലൈഫ് സംഘടനകള്‍ പ്രാര്‍ത്ഥനയും ഉപവാസവുമായി തെരുവിലിറങ്ങുന്നത്. ഇരുണ്ട സാഹചര്യങ്ങളിലും ക്രിസ്തീയ പ്രത്യാശയും ധൈര്യവും നല്‍കാന്‍ വിശ്വാസികള്‍ മുന്നോട്ടുവരണമെന്ന് പ്രോ-ലൈഫ് മിനിസ്ട്രി ഡയറക്ടര്‍മാര്‍ ഓര്‍മ്മിപ്പിച്ചു. വഴിയോര കൗണ്‍സിലിംഗിലൂടെ നിരവധി അമ്മമാര്‍ ഗര്‍ഭച്ഛിദ്രത്തില്‍ നിന്ന് പിന്തിരിഞ്ഞ് കുഞ്ഞുങ്ങള്‍ക്ക് ജ•ം നല്‍കിയ അനുഭവങ്ങളും  പ്രവര്‍ത്തകര്‍ പങ്കുവെച്ചു. 2026-ലെ ശരത്കാല പ്രാര്‍ത്ഥനാ യജ്ഞം നവംബര്‍ 1 ഞായറാഴ്ച വരെ തുടരും. ഓരോ മണിക്കൂര്‍ പ്രാര്‍ത്ഥനയും ഓരോ അമ്മയെയും കുഞ്ഞിനെയും സംരക്ഷിക്കുന്നതിനുള്ള ഉറച്ച ചുവടുവെപ്പാണെന്ന സന്ദേശമാണ് പ്രോ-ലൈഫ് പ്രവര്‍ത്തകര്‍ സമൂഹത്തിന് നല്‍കുന്നത്.