മലപ്പുറം ജില്ലയുടെ മലയോരങ്ങളില്‍ കാട്ടാന ആക്രമണം രൂക്ഷമാകുന്നു. കാട്ടാന ആക്രമണം വനപാലകരുടെ സ്‌പെഷ്യല്‍ ഡ്രൈവ് നടത്തുമ്പോള്‍

2026-11-13

 മലപ്പുറം ജില്ലയുടെ മലയോരങ്ങളില്‍ കാട്ടാന ആക്രമണം രൂക്ഷമാകുന്നു . ജനവാസ മേഖലയില്‍ ഇറങ്ങിയ കാട്ടാനകളെ ഉള്‍കാട്ടിലേയ്ക്ക് തുരത്തുന്നതിനായുള്ള വനം വകുപ്പിന്റെ സ്പെഷ്യല്‍ ഡ്രൈവ് നടക്കുമ്പോഴാണ് കാട്ടാന കൂട്ടത്തിന്റെ ആക്രമണം ഉണ്ടാകുന്നത് . കൃഷിയിടങ്ങളില്‍ ഇറങ്ങി വ്യാപകമായ നാഷനഷ്ട്ടങ്ങളാണ് ഉണ്ടാക്കിയത് . മലപ്പുറം ചാലിയാര്‍ പഞ്ചായത്തിലാണ് കാട്ടാനയുടെ ആക്രമണം നിത്യ സംഭവമാകുന്നത് . 

മലപ്പുറം ജില്ലയിലെ ചാലിയാറില്‍ കാട്ടാനകള്‍ വ്യാപകമായി തെങ്ങ് ഉള്‍പ്പെടെയുള്ള കൃഷികള്‍ നശിപ്പിച്ചു. മൂലേപ്പാടം തറമുറ്റത്തുള്ള കെ.കെ. മുരളീധരന്റെ കൃഷിയിടത്തിലാണ് ഇന്ന് പുലര്‍ച്ചെയും ഇന്നലെയുമായി 27 കായ്ഫലമുള്ള തെങ്ങുകളും വാഴ ഉള്‍പ്പെടെയുള്ള കൃഷികളും നശിപ്പിച്ചത്. ശല്യക്കാരായ കാട്ടനകളെ കാടുകയറ്റാന്‍ നിലമ്പൂര്‍ നോര്‍ത്ത് ഡി.എഫ്.ഒ കെ.കെ. സുനില്‍കുമാറിന്റെ നേത്യത്വത്തില്‍ ചാലിയാര്‍ പഞ്ചായതത്തിന്റെ ഒരു ഭാഗത്ത് കാട്ടാനകളെ കാടുകയറ്റാന്‍  ശ്രമം നടത്തുപ്പോഴാണ് ചാലിയാര്‍ പഞ്ചായത്തിലെ മൂലേപ്പാടം തറ മുറ്റത്ത് അപകടകാരിയായ മോഴയാനവ്യാപകമായി കൃഷി നശിപ്പിച്ചത്. വനം വകുപ്പ് കാട്ടാനകളെ കാട് കയറ്റാന്‍ രണ്ടാം ദിവസം ദൗത്യം തുടരുന്നതിനിടയിലാണ് ഒരു ഭാഗത്ത് കാട്ടാനയുടെ കൃഷി നശിപ്പിച്ചുള്ള വിളയാട്ടം. സ്ഥലത്തിന്റെ മൂന്ന് ഭാഗത്തും കോണ്‍ക്രീറ്റ് മതിലും ഒരു ഭാഗം സോളാര്‍ വൈദ്യുത വേലിയും സ്ഥാപിച്ച സ്ഥലത്താണ് കാട്ടാന കയറി കൃഷി നശിപ്പിച്ചത് ഇന്നലെ രാത്രി വനം ആര്‍.ആര്‍.ടി. രണ്ടു മണിക്കൂറിലേറെ കാട്ടാനകളെകണ്ടെത്താന്‍ ശ്രമം നടത്തിയിരുന്നു. വനപാലകര്‍ പോയ ശേഷമാണ് കാട്ടാന ഇറങ്ങിയത്. കഴിഞ്ഞ നവംമ്പറില്‍ ഈ മോഴയാനയാണ് അരയാട് എസ്റ്റേറ്റില്‍ അതിഥി തൊഴിലാളിയെ ചവിട്ടി കൊന്നതെന്നും പ്രദേശവാസികള്‍ പറയുന്നു. വനപാലകര്‍ ഒരു ഭാഗത്ത് കാട്ടാനയെ കാടു കയറ്റാന്‍ സ്‌പെഷ്യല്‍ ഡ്രൈവ് നടത്തുപ്പോള്‍ മറുഭാഗത്ത് കൃഷി നശിപ്പിക്കുകയാണ് കാട്ടാന .