പൊലീസ് മര്‍ദിച്ച മുന്‍ ഡയറ്റ് അധ്യാപകന് 12.5 ലക്ഷം രൂപ നല്‍കാന്‍ മുഖ്യമന്ത്രി ഉത്തരവിട്ടു

2026-10-10

 മുത്തങ്ങ സമരത്തിനിടെ പോലീസ് മര്‍ദ്ദനത്തിനിരയായ മുന്‍ ഡയറ്റ് അധ്യാപകന്‍ കെ. കെ. സുരേന്ദ്രന് 12.5 ലക്ഷം രൂപ നഷ്ടപരിഹാരം നല്‍കാന്‍ സര്‍ക്കാര്‍ ഉത്തരവിറക്കി. സമരകാലത്ത് സുരേന്ദ്രന് നേരിടേണ്ടി വന്ന ക്രൂരമായ പോലീസ് പീഡനങ്ങള്‍ കണക്കിലെടുത്താണ്  നടപടി.

മുത്തങ്ങ സമരത്തിനിടെ പോലീസ് മര്‍ദ്ദനത്തിനിരയായ മുന്‍ ഡയറ്റ് അധ്യാപകന്‍ കെ. കെ. സുരേന്ദ്രന് 12.5 ലക്ഷം രൂപ നഷ്ടപരിഹാരം നല്‍കാനാണ്  സര്‍ക്കാര്‍ ഉത്തരവിറക്കിയിരിക്കുന്നത് . സമരകാലത്ത് സുരേന്ദ്രന് നേരിടേണ്ടി വന്ന ക്രൂരമായ പോലീസ് പീഡനങ്ങള്‍ കണക്കിലെടുത്താണ് ഈ നടപടി.നേരത്തെ, കേസില്‍ കെ. കെ. സുരേന്ദ്രനെ സി.ബി.ഐ കുറ്റവിമുക്തനാക്കിയിരുന്നു. നഷ്ടപരിഹാരം നല്‍കാന്‍ കോടതി ആദ്യം ഉത്തരവിട്ടത് 2021-ലാണ്. എന്നാല്‍, ഈ വിധിക്കെതിരെ സര്‍ക്കാരും രണ്ട് പോലീസ് ഉദ്യോഗസ്ഥരും അപ്പീല്‍ നല്‍കുകയായിരുന്നു. തുടര്‍ന്ന് 2026-ല്‍ കല്‍പ്പറ്റ കോടതി നഷ്ടപരിഹാരത്തുക 12.5 ലക്ഷമായി ഉയര്‍ത്തി വിധി പ്രസ്താവിച്ചു.കേസില്‍ ഇനിയും മേല്‍ക്കോടതികളില്‍ അപ്പീലിന് പോകേണ്ടതില്ലെന്ന് മുഖ്യമന്ത്രി നിര്‍ദേശം നല്‍കുകയായിരുന്നു. നഷ്ടപരിഹാരത്തുക സര്‍ക്കാരിന് സാമ്പത്തിക ബാധ്യത വരുത്താതെ, മര്‍ദ്ദനത്തിന് ഉത്തരവാദികളായ പോലീസ് ഉദ്യോഗസ്ഥരില്‍ നിന്ന് തന്നെ ഈടാക്കാനും ഉത്തരവില്‍ വ്യക്തമാക്കുന്നുണ്ട്. നഷ്ടപരിഹാര ഉത്തരവ് വരുന്നതിന് തൊട്ടുമുമ്പുള്ള ദിവസങ്ങളില്‍ സുരേന്ദ്രന്‍ മുഖ്യമന്ത്രിയെ നേരിട്ട് കണ്ട് തന്റെ അവസ്ഥ ബോധ്യപ്പെടുത്തിയിരുന്നു.