ജന്തര്‍ മന്തര്‍ ഇനി സമരവേദി അല്ല, പ്രതിഷേധത്തിന് ഇനി മൂന്നിടങ്ങള്‍ മാത്രം

2026-10-12

ഡല്‍ഹിയിലെ ചരിത്രപ്രസിദ്ധമായ ജന്തര്‍ മന്തറിനെ സമരവേദി എന്ന പദവിയില്‍ നിന്ന് ദില്ലി പോലീസ് ഔദ്യോഗികമായി നീക്കി . സുപ്രീം കോടതിയുടെ നിര്‍ദ്ദേശത്തെത്തുടര്‍ന്ന് കേന്ദ്ര ആഭ്യന്തര മന്ത്രാലയം രൂപീകരിച്ച പ്രത്യേക സമിതിയുടെ ശുപാര്‍ശ പ്രകാരമാണ് ഡല്‍ഹി പോലീസ് കമ്മീഷണര്‍ അനുരാഗ് കുമാര്‍ ഈ അസാധാരണ ഉത്തരവ് പുറപ്പെടുവിച്ചത്

ഇനി മുതല്‍ ജന്തര്‍ മന്തറിന് പകരമായി സമരങ്ങള്‍ നടത്തുന്നതിനായി മൂന്ന് പുതിയ ബദല്‍ വേദികള്‍ പോലീസ് നിശ്ചയിച്ചിട്ടുണ്ട് .  സെന്‍ട്രല്‍ ഡല്‍ഹിയിലെ   രാംലീല മൈതാനം , നോര്‍ത്ത് ഡല്‍ഹിയിലെ  ബുരാരി ഗ്രൗണ്ട്  , ഈസ്റ്റ് ഡല്‍ഹിയിലെ സിബിഡി ഗ്രൗണ്ട് എനീ  മൂന്ന് സ്ഥലങ്ങള്‍ മാത്രമാകും പ്രതിഷേധത്തിനുള്ള ഇടം . സുരക്ഷാ പ്രശ്‌നങ്ങളും ഗതാഗതക്കുരുക്കും ചൂണ്ടിക്കാട്ടി ജന്തര്‍ മന്തര്‍ ഇനി സമരവേദിയായി നിലനിര്‍ത്താന്‍ കഴിയില്ലെന്ന് സുപ്രീം കോടതിയും ഡല്‍ഹി ഹൈക്കോടതിയും നേരത്തെ നിരീക്ഷിച്ചിരുന്നു. ബദല്‍ മാര്‍ഗ്ഗങ്ങള്‍ തേടാന്‍ കേന്ദ്ര സര്‍ക്കാരിനോട് കോടതി ആവശ്യപ്പെടുകയും ചെയ്തിരുന്നു .  ഈ പുതിയ ഉത്തരവോടെ ജന്തര്‍ മന്തറില്‍ സമരങ്ങള്‍ക്കും പ്രകടനങ്ങള്‍ക്കും ഇനി അനുമതി ലഭിക്കില്ല. പുതിയ സമരവേദികളില്‍ പാലിക്കേണ്ട കൃത്യമായ മാര്‍ഗ്ഗനിര്‍ദ്ദേശങ്ങള്‍  പോലീസ് പിന്നീട് പുറത്തിറക്കും . മുഖ്യ തെരഞ്ഞെടുപ്പ് കമ്മീഷണറുടെ രാജി ആവശ്യപ്പെട്ട് പ്രതിപക്ഷ പാര്‍ട്ടികളുടെ ഇന്ത്യ സഖ്യവും വിവിധ സംഘടനകളും ഡല്‍ഹിയില്‍ ശക്തമായ പ്രതിഷേധ മാര്‍ച്ച് നടത്തുന്നതിനിടയിലാണ് പോലീസിന്റെ ഈ അടിയന്തര നീക്കം  . ഈ തീരുമാനത്തോടെ ന്യൂഡല്‍ഹി ഡിസ്ട്രിക്റ്റിലോ ലൂട്ടിയന്‍സ് സോണിലോ ഇനി ഔദ്യോഗികമായി അനുവദിക്കപ്പെട്ട ഒരൊറ്റ ധര്‍ണ്ണാ കേന്ദ്രം പോലും അവശേഷിക്കുന്നില്ല.