GENERAL NEWS
നിലപാട് വ്യക്തമാക്കി സുപ്രീംകോടതി, തിരുത്തിയ ഫോം 6-ന് അംഗീകാരമില്ല
2026-10-12
വോട്ടര് രജിസ്ട്രേഷനുള്ള തിരുത്തിയ ഫോം 6-ന് അംഗീകാരം നല്കിയിട്ടില്ലെന്ന് സുപ്രീംകോടതി വ്യക്തമാക്കി. നേരത്തെയുള്ള കോടതി ഉത്തരവുകളെ തെറ്റായി വ്യാഖ്യാനിക്കരുതെന്നും മുന്നറിയിപ്പ് നല്കി. ഫോം 6-ന്റെ നിയമസാധുത സംബന്ധിച്ച കാര്യങ്ങള് പ്രത്യേകം പരിശോധിക്കുമെന്നും സുപ്രീംകോടതി അറിയിച്ചു.
പുതിയ വോട്ടര് രജിസ്ട്രേഷനായി തിരഞ്ഞെടുപ്പ് കമ്മീഷന് അവതരിപ്പിച്ച തിരുത്തിയ ഫോം 6 സുപ്രീംകോടതി അംഗീകരിക്കുകയോ തള്ളുകയോ ചെയ്തിട്ടില്ലെന്ന് ചീഫ് ജസ്റ്റിസ് സൂര്യകാന്ത് അധ്യക്ഷനായ ബെഞ്ച് വ്യക്തമാക്കി. വോട്ടര്പട്ടികയുടെ പ്രത്യേക തീവ്ര പുനഃപരിശോധനയുമായി (ടകഞ) ബന്ധപ്പെട്ട ഹര്ജി പരിഗണിക്കവെയാണ് കോടതിയുടെ നിരീക്ഷണം.
തിരുത്തിയ ഫോം 6-ന് സുപ്രീംകോടതിയുടെ അംഗീകാരമുണ്ടെന്ന് തിരഞ്ഞെടുപ്പ് കമ്മീഷന് തെറ്റായി പ്രചരിപ്പിക്കുന്നുവെന്നായിരുന്നു ഹര്ജിക്കാരന്റെ അഭിഭാഷകന്റെ വാദം. ബിഹാറിലെ വോട്ടര്പട്ടികാ പുനഃപരിശോധനയുമായി ബന്ധപ്പെട്ട കേസ് പരിഗണിച്ച സമയത്ത് ഇപ്പോഴത്തെ തിരുത്തിയ ഫോം നിലവിലുണ്ടായിരുന്നില്ലെന്ന് കോടതി ചൂണ്ടിക്കാട്ടി. നേരത്തെയുള്ള കോടതി നിരീക്ഷണങ്ങളെ ഭാഗികമായി വ്യാഖ്യാനിച്ച് സ്വന്തം ആവശ്യങ്ങള്ക്കായി ഉപയോഗിക്കരുതെന്നും ചീഫ് ജസ്റ്റിസ് മുന്നറിയിപ്പ് നല്കി.
കര്ശനമായ വ്യവസ്ഥകളും നിയമപരമായി സാധുതയില്ലാത്ത രേഖകള് ആവശ്യപ്പെടുന്നതും അര്ഹരായ നിരവധി വോട്ടര്മാരെ പട്ടികയില്നിന്ന് പുറത്താക്കാന് ഇടയാക്കുമെന്നാണ് ഹര്ജിയിലെ പ്രധാന ആരോപണം. തിരുത്തിയ ഫോം 6-ന്റെ നിയമസാധുത സംബന്ധിച്ച ചോദ്യങ്ങള് പ്രത്യേകം പരിശോധിക്കാമെന്ന് വ്യക്തമാക്കിയ കോടതി, തിരഞ്ഞെടുപ്പ് കമ്മീഷനോട് മറുപടി തേടി. തുടര്വാദത്തിനായി കേസ് ചൊവ്വാഴ്ചത്തേക്ക് മാറ്റുകയും ചെയ്തു.
News
പരിശുദ്ധ പത്രോസ് തൃതീയന് ബാവാ വിശുദ്ധപദവിയിലേക്ക് , പരി. എപ്പിസ്കോപ്പല് സുന്നഹദോസില് പ്രഖ്യാപന ...
സഭാ സമാധാനത്തിന് എല്ലാ ശ്രമങ്ങളും നടത്തണമെന്ന് ആഹ്വാനം, പരിശുദ്ധ ഇഗ്നാത്തിയോസ് അപ്രേം ദ്വിതീയന് ...
ചരിത്രസ്മരണകള്ക്ക് പുതുജീവന്..! മുളന്തുരുത്തിയില് പരിശുദ്ധ എപ്പിസ്കോപ്പല് സുന്നഹദോസ് ചേര്ന്നു ...
4 രൂപയ്ക്ക് കിട്ടുന്ന വൈദ്യുതി 11 രൂപയ്ക്ക് സര്ക്കാര് കരാര് ഒപ്പിട്ടെന്ന് പിണറായി വിജയന്, ഖജനാവിന് വലിയ ...
ഇടയനെ വരവേറ്റ് പെറു, വിശ്വാസത്തിന്റെയും നീതിയുടെയും സന്ദേശം, പെറുവില് വിശ്വാസത്തിന്റെ മഹാസംഗമം, പരിശുദ്ധ ...
മരിയന് ഡിവൈന് എക്സ്പോ 2026 ലൂര്ദ്ദ് കത്തീഡ്രലില്, മാതാവിന്റെ ഏഴ് ആനന്ദങ്ങളിലൂടെ ക്രിസ്തുവിലേക്കൊരു ...
ഇന്ത്യ-ഫിലിപ്പീന്സ് ബന്ധം പുതിയ ഉയരങ്ങളിലേക്ക്, ഇരുരാജ്യങ്ങളും കടന്നുപോകുന്നത് നിര്ണ്ണായക ...
അഹമ്മദാബാദില് വന് ലഹരിമരുന്ന് വേട്ട വീടിന്റെ ബേസ്മെന്റില് പ്രവര്ത്തിച്ചിരുന്ന അനധികൃത എം.ഡി ലാബ് ...
