സമാധാനാഭിലാഷം ബലഹീനതയല്ല

2026-10-15

 സമാധാനത്തോടുള്ള ഇന്ത്യയുടെ പ്രതിബദ്ധത ദൗര്‍ബല്യമായി തെറ്റിദ്ധരിക്കരുതെന്ന് പ്രതിരോധമന്ത്രി രാജ്നാഥ് സിങ്. രാജ്യത്തിന്റെ സുരക്ഷ ഉറപ്പാക്കാന്‍ സൈനികശക്തിയും പ്രതിരോധശേഷിയും അനിവാര്യമാണെന്നും സിംഗ് വ്യക്തമാക്കി. ന്യൂഡല്‍ഹിയില്‍ നടന്ന നാഷണല്‍ ഡിഫന്‍സ് കോണ്‍ക്ലേവില്‍ സംസാരിക്കുകയായിരുന്നു 

സമാധാനത്തോടുള്ള ഇന്ത്യയുടെ പ്രതിബദ്ധത ദൗര്‍ബല്യമായി തെറ്റിദ്ധരിക്കരുതെന്ന് പ്രതിരോധമന്ത്രി രാജ്നാഥ് സിങ്. രാജ്യത്തിന്റെ സുരക്ഷ ഉറപ്പാക്കാന്‍ സൈനികശക്തിയും പ്രതിരോധശേഷിയും അനിവാര്യമാണെന്നും അദ്ദേഹം വ്യക്തമാക്കി. ന്യൂഡല്‍ഹിയില്‍ നടന്ന ടൈംസ് നെറ്റ്വര്‍ക്ക് നാഷണല്‍ ഡിഫന്‍സ് കോണ്‍ക്ലേവില്‍ സംസാരിക്കുകയായിരുന്നുസിംഗ്.സംവാദത്തിനും സഹവര്‍ത്തിത്വത്തിനും സമാധാനപരമായ പരിഹാരങ്ങള്‍ക്കുമാണ് ഇന്ത്യ എന്നും പ്രാധാന്യം നല്‍കുന്നതെന്ന് രാജ്നാഥ് സിങ് പറഞ്ഞു. എന്നാല്‍ രാജ്യത്തിന്റെ പരമാധികാരത്തിനും സുരക്ഷയ്ക്കും ഭീഷണിയുണ്ടായാല്‍ ശക്തമായ നടപടികള്‍ സ്വീകരിക്കാന്‍ ഇന്ത്യ മടിക്കില്ലെന്നും അദ്ദേഹം മുന്നറിയിപ്പ് നല്‍കി.

പാകിസ്ഥാനില്‍നിന്ന് വീണ്ടും ഭീകരപ്രവര്‍ത്തനങ്ങള്‍ ഉണ്ടായാല്‍ മുന്‍പത്തേതിനേക്കാള്‍ ശക്തമായ തിരിച്ചടി നല്‍കുമെന്നായിരുന്നു പ്രതിരോധമന്ത്രിയുടെ മുന്നറിയിപ്പ്. 2016-ലെ ഉറി ഭീകരാക്രമണത്തിന് പിന്നാലെയുള്ള സര്‍ജിക്കല്‍ സ്‌ട്രൈക്കുകളും 2019-ലെ പുല്‍വാമ ആക്രമണത്തിനു ശേഷമുള്ള ബാലാക്കോട്ട് വ്യോമാക്രമണവും അദ്ദേഹം പരാമര്‍ശിച്ചു. പഹല്‍ഗാമില്‍ സാധാരണക്കാര്‍ കൊല്ലപ്പെട്ട സംഭവത്തിന് പിന്നാലെ നടത്തിയ ഓപ്പറേഷന്‍ സിന്ദൂറും ഭീകരവാദത്തിനെതിരായ ഇന്ത്യയുടെ ശക്തമായ നടപടിയാണെന്ന് അദ്ദേഹം ചൂണ്ടിക്കാട്ടി.2014 മുതല്‍ ഭീകരവാദികളുടെ ആയുസ്സ് ഒരു വര്‍ഷത്തില്‍ താഴെയായി കുറഞ്ഞുവെന്നും, ഇന്ത്യയ്ക്കെതിരെ ആയുധമെടുത്ത് ഒരു വര്‍ഷത്തിനകം തന്നെ നമ്മുടെ സുരക്ഷാ സേന ഭീകരരെ ഉ•ൂലനം ചെയ്യുന്നുണ്ടെന്നും രാജ്നാഥ് സിംഗ് വ്യക്തമാക്കി.കഴിഞ്ഞ പന്ത്രണ്ടര വര്‍ഷത്തിനിടെ ഇന്ത്യയുടെ പ്രതിരോധശേഷിയില്‍ വലിയ പുരോഗതിയുണ്ടായതായും രാജ്നാഥ് സിങ് പറഞ്ഞു. പ്രധാനമന്ത്രി നരേന്ദ്ര മോദിയുടെ നേതൃത്വത്തിലുള്ള പരിഷ്‌കാരങ്ങളും പുതിയ കാഴ്ചപ്പാടുകളും ഇന്ത്യയുടെ പ്രതിരോധ ശേഷി വന്‍തോതില്‍ വര്‍ദ്ധിപ്പിച്ചെന്നും, ഇന്ത്യ ഇപ്പോള്‍ പ്രതിരോധ രംഗത്ത് സ്വയംപര്യാപ്തതയും ഭാവിയിലേക്ക് ലക്ഷ്യമിട്ടുള്ള മാറ്റങ്ങളുമാണ് നടപ്പിലാക്കുന്നതെന്നും പ്രതിരോധമന്ത്രി കൂട്ടിച്ചേര്‍ത്തു.