വാഹന ലോകത്തെ ഞെട്ടിച്ച് ഇലോണ്‍ മസ്‌കിന്റെ ടെസ്ല, റോക്കറ്റ് സാങ്കേതികവിദ്യയുടെ സഹായത്തോടെ കാറിനെ വായുവില്‍ പറത്തി, പറക്കും കാറുകള്‍ സാധ്യമാണെന്ന് ഇലോണ്‍ മസ്‌ക്ക്

2026-10-16

റോക്കറ്റ് സാങ്കേതികവിദ്യയുടെ സഹായത്തോടെ കാറിനെ വായുവില്‍ പറത്തി വാഹന ലോകത്തെ ഞെട്ടിച്ച് ഇലോണ്‍ മസ്‌കിന്റെ ടെസ്ല . പറക്കും കാറുകള്‍ വരും കാലങ്ങളില്‍ സാധ്യമാകുമെന്നാണ് ഇലോണ്‍ മസ്‌കിന്റെ അവകാശവാദം .

സാധാരണ കാറുകളിലെ ടയറുകളുടെ പിടിത്തത്തിന് പുറമെ, കംപ്രസ് ചെയ്ത വാതകം ഉപയോഗിച്ച് ത്രസ്റ്റ് നല്‍കുന്ന സംവിധാനമാണ് പുതിയ റോഡ്സ്റ്ററിന്റെ പ്രത്യേകത. ടയറുകള്‍ നല്‍കുന്ന ബലത്തിന്റെ നാലുമുതല്‍ അഞ്ചിരട്ടി വരെ ത്രസ്റ്റ് ലഭിക്കുമെന്നാണ് ടെസ്ലയുടെ അവകാശവാദം. മൂന്ന് പതിപ്പുകളാണ് കമ്പനി അവതരിപ്പിക്കുന്നത്: പെര്‍ഫോമന്‍സ്, ത്രസ്റ്റ്, റോക്കറ്റ്. റോക്കറ്റ് പതിപ്പിന് മണിക്കൂറില്‍ 230 മൈലിലധികം വേഗവും ഒറ്റ ചാര്‍ജില്‍ 300 മൈലിലധികം റേഞ്ചും ലഭിക്കുമെന്നാണ് അവകാശവാദം.

എസ്.ആര്‍-71, എഫ്-35 വിമാനങ്ങളില്‍ നിന്ന് പ്രചോദനം ഉള്‍ക്കൊണ്ട രൂപകല്‍പ്പനയും കാര്‍ബണ്‍ ഫൈബര്‍, ടൈറ്റാനിയം തുടങ്ങിയ വസ്തുക്കളും കാറിന്റെ പ്രത്യേകതകളാണ്. 2008-ല്‍ ആദ്യ റോഡ്സ്റ്റര്‍ അവതരിപ്പിച്ച ടെസ്ലയുടെ പുതിയ മോഡലിന്റെ പറക്കല്‍ശേഷിയും പ്രകടനവും യഥാര്‍ഥ ഉപയോഗത്തില്‍ എത്രത്തോളം സാധ്യമാകുമെന്ന് ഉല്‍പ്പാദന മോഡലും തുടര്‍ന്നുള്ള പരിശോധനകളുമാണ് വ്യക്തമാക്കേണ്ടത്.