വണ്ടൂരില്‍ വന്‍ എം.ഡി.എം.എ വേട്ട, 89.733 ഗ്രാം എം.ഡി.എം.എ പിടികൂടി, മൂന്ന് യുവാക്കള്‍ അറസ്റ്റില്‍, ത്രാസും, 5,980 രൂപയും കാറും പിടിച്ചെടുത്തു

2026-10-20

 മലപ്പുറം വണ്ടൂര്‍ കാരാട് ഊട്ടുപുറത്ത് വന്‍ മയക്കുമരുന്ന് വേട്ട.  89.733 ഗ്രാം എം.ഡി.എം.എയുമായി മൂന്ന് യുവാക്കളെ എക്‌സൈസ് സംഘം അറസ്റ്റ് ചെയ്തു. പ്രതികളില്‍ രണ്ടുപേര്‍ ബംഗളൂരുവില്‍ പോയി മയക്കുമരുന്ന് എത്തിച്ചതാണെന്നാണ് എക്‌സൈസിന്റെ കണ്ടെത്തല്‍.മയക്കുമരുന്ന് തൂക്കാന്‍ ഉപയോഗിച്ച ത്രാസ്, വില്‍പ്പനയിലൂടെ ലഭിച്ച 5,980 രൂപയും, ഒരു മാരുതി സ്വിഫ്റ്റ് കാറും എക്‌സൈസ് സംഘം കസ്റ്റഡിയിലെടുത്തു.

മലപ്പുറം വണ്ടൂര്‍ കാരാട് ഊട്ടുപുറത്ത് ഷൈജേഷിന്റെ വീട്ടില്‍ എം.ഡി.എം.എ വില്‍പ്പനയ്ക്കായി തയ്യാറാക്കുന്നതിനിടെ മൂന്ന് യുവാക്കളെ എക്‌സൈസ് സംഘം അറസ്റ്റ് ചെയ്തു. ബംഗളൂരുവില്‍നിന്ന് കാറില്‍ കടത്തിക്കൊണ്ടുവന്ന എം.ഡി.എം.എയാണ് പിടികൂടിയത്. പ്രതികളില്‍ രണ്ടുപേര്‍ ബംഗളൂരുവില്‍ പോയി മയക്കുമരുന്ന് എത്തിച്ചതാണെന്നാണ് എക്‌സൈസിന്റെ കണ്ടെത്തല്‍.

എം.ഡി.എം.എ തൂക്കാന്‍ ഉപയോഗിച്ച ത്രാസ്, വില്‍പ്പനയിലൂടെ ലഭിച്ച 5,980 രൂപയും,ഒരു മാരുതി സ്വിഫ്റ്റ് കാറും എക്‌സൈസ് സംഘം കസ്റ്റഡിയിലെടുത്തു. നിലമ്പൂര്‍ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ പി.ആര്‍. ജിഷ്ണുവാണ് പരിശോധനയ്ക്ക് നേതൃത്വം നല്‍കിയത്. കാരാട് ഊട്ടുപുറം മേക്ലംപറ്റ വീട്ടില്‍ ഷൈജേഷ്, നിലമ്പൂര്‍ മണലൊടി പുത്തന്‍വീട്ടില്‍ മഹേഷ് കുമാര്‍, വണ്ടൂര്‍ കാരാട് പടവെട്ടി വീട്ടില്‍ പി. അരുണ്‍ എന്നിവരാണ് അറസ്റ്റിലായത്. പ്രതികള്‍ ബംഗളൂരുവില്‍നിന്ന് എം.ഡി.എം.എ നാട്ടില്‍ എത്തിച്ച് വില്‍പന നടത്തിവരുകയായിരുന്നു.പ്രതികളെ ഇന്ന് പെരിന്തല്‍മണ്ണ ജെ.എഫ്.സി.എം കോടതിയില്‍ ഹാജരാക്കും.