ശിശുമരണം, അട്ടപ്പാടിയിലെത്തി ആരോ?ഗ്യമന്ത്രി, നിയോനാറ്റല്‍ പീഡിയാട്രി വിപുലീകരിക്കും, പീഡിയാട്രിക് ആംബുലന്‍സ് കൊണ്ടുവരും

2026-10-31

 അട്ടപ്പാടിയിലെ ശിശുമരണങ്ങള്‍ പരിഹരിക്കാന്‍ കൂടുതല്‍ നടപടികള്‍ പ്രഖ്യാപിച്ച് ആരോഗ്യ മന്ത്രി കെ മുരളീധരന്‍. പല ഡോക്ടര്‍മാര്‍ക്കും അട്ടപ്പാടിയിലേക്ക് വരാന്‍ മടിയെങ്കിലും, കൂടുതല്‍ പേരെ ഉടന്‍ നിയമിക്കുമെന്ന് മന്ത്രി പറഞ്ഞു. ശിശുമരണങ്ങളില്‍ ആരോഗ്യസംവിധാനങ്ങളിലെ പോരായ്മകള്‍ നേരിട്ട് വിലയിരുത്താന്‍ ആരോഗ്യ മന്ത്രി അട്ടപ്പാടിയിലെത്തി. 

അട്ടപ്പാടിയിലെ ശിശുമരണങ്ങള്‍ പരിഹരിക്കാന്‍ കൂടുതല്‍ നടപടികള്‍ പ്രഖ്യാപിച്ചിരിക്കുവാണ് ആരോഗ്യ മന്ത്രി കെ മുരളീധരന്‍. ശിശുമരണങ്ങളില്‍ ആരോഗ്യസംവിധാനങ്ങളിലെ പോരായ്മകള്‍ നേരിട്ട് വിലയിരുത്താന്‍ ആരോഗ്യ മന്ത്രി അട്ടപ്പാടിയിലെത്തി. അതേസമയം ശിശുമരണങ്ങള്‍ വര്‍ധിക്കുന്നതില്‍ പ്രതിഷേധിച്ച് എല്‍ഡിഎഫ് അട്ടപ്പാടിയില്‍ കരിദിനം ആചരിച്ചു.അട്ടപ്പാടിയിലെ ശിശുമരണങ്ങള്‍ വീണ്ടും ചര്‍ച്ചയാകുന്നതിനിടെയാണ് ആരോഗ്യ മന്ത്രി കെ മുരളീധരന്‍ കോട്ടത്തറ ട്രൈബല്‍ സ്‌പെഷ്യാലിറ്റി ആശുപത്രിയിലെത്തിയത്. ആശുപത്രിയിലെ ചികിത്സാ സൗകര്യങ്ങളും ആരോഗ്യവകുപ്പിന്റെ പ്രവര്‍ത്തനങ്ങളും വിലയിരുത്തി. ആരോഗ്യവകുപ്പിലെ വിദഗ്ധ ഉദ്യോഗസ്ഥരുമായി കൂടിക്കാഴ്ച നടത്തി സ്ഥിതിഗതികള്‍ പരിശോധിച്ചു. കോട്ടത്തറ ആശുപത്രിയില്‍ ഡോക്ടര്‍മാരുടെ കുറവുണ്ടെന്ന് മന്ത്രി തന്നെ സമ്മതിച്ചു. പീഡിയാട്രിക് ആംബുലന്‍സ് എത്തിക്കുന്നതിനൊപ്പം നിയോനാറ്റല്‍ പീഡിയാട്രി വിഭാഗം വിപലീകരിക്കുകയും ഫീല്‍ഡ് സ്റ്റാഫുകളുടെ എണ്ണവും വര്‍ധിപ്പിക്കുകയും ചെയ്യും . ജനനി ജ•രക്ഷ പദ്ധതിയില്‍ പണത്തിന് പകരം പോഷകാഹാരം നല്‍കുന്ന കാര്യവും പരിഗണനയിലുണ്ട്. ഫണ്ട് ലഭിക്കാത്തതിനാലാണ് കമ്മ്യൂണിറ്റി കിച്ചന്റെ പ്രവര്‍ത്തനം അവതാളത്തിലായതെന്നും കുടിശ്ശിക ഉടന്‍ നല്‍കുമെന്നും മന്ത്രി പറഞ്ഞു.