കര്‍ണാടകയില്‍ പെട്രോളിലെ എഥനോള്‍ അളവ്പെട്രോളില്‍ 20 ശതമാനത്തിലധികം എഥനോള്‍ കണ്ടെത്തി , ഗൗരവകരമായ ആരോപണം ഉന്നയിച്ച് രാഹുല്‍ ഗാന്ധി

2026-11-07

കര്‍ണാടകയിലെ പമ്പുകളില്‍ വില്‍ക്കുന്ന  പെട്രോളില്‍ അനുവദനീയമായതിലും അധികം  എഥനോള്‍ അളവ് കണ്ടെത്തിയതില്‍  ഗൗരവകരമായ ആരോപണം ഉയര്‍ത്തി  ലോക്‌സഭാ പ്രതിപക്ഷ നേതാവ് രാഹുല്‍ ഗാന്ധി രംഗത്തെത്തി . പെട്രോളില്‍ അനുവദനീയമായ 20 ശതമാനത്തിലധികം എഥനോള്‍ ചേര്‍ത്ത് പ്രമുഖ എണ്ണക്കമ്പനികള്‍ വിതരണം ചെയ്യുന്നുവെന്നാണ്   ആരോപിച്ചത് . കര്‍ണാടകയിലെ ഏഴ് ജില്ലകളില്‍നിന്ന് ശേഖരിച്ച പെട്രോള്‍ സാമ്പിളുകളില്‍ 31.2 ശതമാനം എത്തനോള്‍ കണ്ടെത്തിയ  ലാബ് പരിശോധനാ ഫലങ്ങളിലാണ്  ആരോപണം. അതേസമയം,  പൊതുമേഖലാ എണ്ണക്കമ്പനികള്‍ ആരോപണം തള്ളി .

കര്‍ണാടകയിലെ ഏഴ് ജില്ലകളില്‍നിന്ന് ശേഖരിച്ച പെട്രോള്‍ സാമ്പിളുകളിലാണ് പരിശോധന നടത്തിയത്. അംഗീകൃത ലബോറട്ടറിയില്‍ പരിശോധിച്ച 14 സാമ്പിളുകളില്‍ 11 എണ്ണത്തിലും എഥനോളിന്റെ അളവ് 20 ശതമാനത്തിന് മുകളിലാണെന്നാണ് രാഹുല്‍ ഗാന്ധി പുറത്തുവിട്ട വിവരം. ഇന്ത്യന്‍ ഓയില്‍ കോര്‍പ്പറേഷന്റെ സാമ്പിളില്‍ 31.2 ശതമാനവും ഹിന്ദുസ്ഥാന്‍ പെട്രോളിയത്തിന്റെ സാമ്പിളില്‍ 30.5 ശതമാനവും എഥനോള്‍ കണ്ടെത്തിയതായും രാഹുല്‍ ഗാന്ധി  ആരോപിച്ചു. ഇരുപത് ശതമാനം എഥനോള്‍ ചേര്‍ത്ത പെട്രോള്‍ എന്ന ഋ20 മാനദണ്ഡം മറികടന്ന് ഇന്ധനം വിതരണം ചെയ്യുന്നത് വാഹനങ്ങളുടെ മൈലേജിനെ ബാധിക്കുമെന്നും അറ്റകുറ്റപ്പണികളുടെ ചെലവ് വര്‍ധിപ്പിക്കുമെന്നും രാഹുല്‍ ഗാന്ധി മുന്നറിയിപ്പ് നല്‍കി. പെട്രോള്‍ പമ്പുകളില്‍ ഇന്ധനത്തിലെ എഥനോള്‍ അളവ് വ്യക്തമാക്കുന്ന ലേബലുകള്‍ ഇല്ലാത്തതിനെയും രാഹുല്‍ ഗാന്ധി  വിമര്‍ശിച്ചു. അതേസമയം, ആരോപണം തള്ളി പൊതുമേഖലാ എണ്ണക്കമ്പനികള്‍ രംഗത്തെത്തി. പരിശോധനയില്‍ സര്‍ക്കാര്‍ നിര്‍ദേശിച്ച നടപടിക്രമങ്ങളും സാങ്കേതിക മാനദണ്ഡങ്ങളും പാലിച്ചിട്ടില്ലെന്നാണ് കമ്പനികളുടെ വിശദീകരണം. രാജ്യത്ത് വിതരണം ചെയ്യുന്ന ഋ20 പെട്രോള്‍ നിശ്ചിത ഗുണനിലവാര മാനദണ്ഡങ്ങള്‍ പാലിക്കുന്നുണ്ടെന്നും കമ്പനികള്‍ വ്യക്തമാക്കി. പെട്രോളിലെ യഥാര്‍ഥ എഥനോള്‍ അളവ് കേന്ദ്രസര്‍ക്കാര്‍ വ്യക്തമാക്കണമെന്നും അനുവദനീയമായ പരിധി മറികടന്ന കമ്പനികള്‍ക്കെതിരെ നടപടിയെടുക്കണമെന്നും രാഹുല്‍ ഗാന്ധി ആവശ്യപ്പെട്ടു.