മുണ്ടക്കയത്തെ വാഹനാപകടം മനഃപൂര്‍വമെന്ന് പൊലീസ് കാര്‍ ഓടിച്ചത് ആത്മഹത്യാശ്രമത്തിനെന്ന് മൊഴി ഷാരോണിനെതിരെ നരഹത്യാശ്രമത്തിന് കേസ്, ഒന്‍പത് പേര്‍ക്ക് പരിക്ക്,നാലുപേര്‍ക്ക് ഗുരുതര പരിക്ക്

2026-11-03

കോട്ടയം മുണ്ടക്കയത്ത് ഒന്‍പത് പേര്‍ക്ക് പരിക്കേറ്റ വാഹനാപകടം മനഃപൂര്‍വം ഉണ്ടാക്കിയതെന്ന് പൊലീസ്. ആത്മഹത്യാശ്രമത്തിന്റെ ഭാഗമായാണ് യുവാവ് കാര്‍ മറ്റ് വാഹനങ്ങളിലേക്ക് ഇടിച്ചു കയറ്റിയതെന്നാണ് പൊലീസിന്റെ കണ്ടെത്തല്‍. കൂട്ടിക്കല്‍ തേന്‍പുഴ സ്വദേശി ഷാരോണിനെതിരെ നരഹത്യാശ്രമത്തിന് കേസെടുത്തു. അപകടത്തില്‍ പരിക്കേറ്റ യുവാവ് ആശുപത്രിയില്‍ ചികിത്സയിലാണ്.

കോട്ടയം മുണ്ടക്കയത്ത് ഒന്‍പത് പേര്‍ക്ക് പരിക്കേറ്റ വാഹനാപകടം ആത്മഹത്യാശ്രമത്തിന്റെ ഭാഗമായി മനഃപൂര്‍വം ഉണ്ടാക്കിയതെന്ന് പൊലീസ.് യുവാവ് തന്റെ കാര്‍ മറ്റ് വാഹനങ്ങളിലേക്ക് ഇടിച്ചുകയറ്റിയതെന്നാണ് പൊലീസിന്റെ കണ്ടെത്തല്‍. കൂട്ടിക്കല്‍ തേന്‍പുഴ സ്വദേശി ഷാരോണിനെതിരെ നരഹത്യാശ്രമത്തിന് കേസെടുത്തു. അപകടത്തില്‍ പരിക്കേറ്റ യുവാവ് ആശുപത്രിയില്‍ ചികിത്സയിലാണ്.

ആദ്യം സാധാരണ വാഹനാപകടമെന്നായിരുന്നു പൊലീസിന്റെ നിഗമനം. എന്നാല്‍ സി.സി.ടി.വി ദൃശ്യങ്ങള്‍ പരിശോധിച്ചതോടെ സംഭവത്തിന് പിന്നില്‍ മനഃപൂര്‍വമായ ഇടപെടലുണ്ടെന്ന് വ്യക്തമായി.

കൂട്ടിക്കല്‍ തേന്‍പുഴ സ്വദേശി 27-കാരനായ ഷാരോണ്‍ ഓടിച്ച കാര്‍ എതിരെ വന്ന മറ്റൊരു കാറില്‍ ഇടിക്കുകയായിരുന്നു. തുടര്‍ന്ന് മൂന്ന് കാറുകളിലും ഒരു സ്‌കൂട്ടറിലും ഓട്ടോറിക്ഷയിലും വാഹനം ഇടിച്ചു. അപകടത്തില്‍ വഴിയാത്രക്കാരന്‍ ഉള്‍പ്പെടെ ഒന്‍പത് പേര്‍ക്ക് പരിക്കേറ്റു. ഇതില്‍ നാലുപേരുടെ പരിക്ക് ഗുരുതരമാണ്.ആത്മഹത്യ ചെയ്യാന്‍ ശ്രമിച്ചതാണെന്നും കണ്ണടച്ചാണ് വാഹനം ഓടിച്ചതെന്നും ഷാരോണ്‍ പൊലീസിനോട് മൊഴി നല്‍കിയതായാണ് വിവരം. പരിക്കേറ്റവരുടെ പരാതിയിലാണ് ഇയാള്‍ക്കെതിരെ നരഹത്യാശ്രമത്തിന് കേസെടുത്തത്.

പരിക്കേറ്റ ഷാരോണ്‍ കാഞ്ഞിരപ്പള്ളിയിലെ സ്വകാര്യ ആശുപത്രിയില്‍ ചികിത്സയിലാണ്. സംഭവത്തില്‍ പൊലീസ് അന്വേഷണം തുടരുകയാണ്.