ബാര്‍ ലൈസന്‍സ് പുതുക്കാന്‍ കഴിഞ്ഞ സര്‍ക്കാര്‍ അനുമതി നല്‍കിയിരുന്നു, പുതിയ ബാര്‍ ലൈസന്‍സില്‍ സര്‍ക്കാര്‍ നിലപാട് ഹൈക്കോടതി അംഗീകരിച്ചു; മന്ത്രി എം ലിജു

2026-11-03

ബാര്‍ ലൈസന്‍സ് പുതുക്കാന്‍ ഡെപ്യൂട്ടി കമ്മീഷണര്‍ക്ക് കഴിഞ്ഞ സര്‍ക്കാര്‍ അനുമതി നല്‍കിയിരുന്നുവെന്നും പുതിയ ബാര്‍ ലൈസന്‍സില്‍ സര്‍ക്കാര്‍ നിലപാട് ഹൈക്കോടതി അംഗീകരിച്ചുവെന്നും മന്ത്രി എം ലിജു. സാമൂഹ്യ ആഘാതം നോക്കി വേണം ലൈസന്‍സ് അനുവദിക്കാന്‍ എന്നതാണ് സര്‍ക്കാര്‍ നിലപാട്. 

ബാര്‍ ലൈസന്‍സ് പുതുക്കാന്‍ ഡെപ്യൂട്ടി കമ്മീഷണര്‍ക്ക് കഴിഞ്ഞ സര്‍ക്കാര്‍ അനുമതി നല്‍കിയിരുന്നുവെന്നും പുതിയ ബാര്‍ ലൈസന്‍സില്‍ സര്‍ക്കാര്‍ നിലപാട് ഹൈക്കോടതി അംഗീകരിച്ചുവെന്നും മന്ത്രി എം ലിജു പറഞ്ഞു . സാമൂഹ്യ ആഘാതം നോക്കി വേണം ലൈസന്‍സ് അനുവദിക്കാന്‍ എന്നതാണ് സര്‍ക്കാര്‍ നിലപാട്. മാര്‍ച്ച് 30 വരെ കോടതി അനുമതിയും നല്‍കി. 10 വര്‍ഷം വൈന്‍ പാര്‍ലര്‍ ആയിരുന്ന പാര്‍ലര്‍ പിന്നീട് ബാര്‍ ആവുകയായിരുന്നു. ഇത് ശ്രദ്ധയില്‍പ്പെട്ടപ്പോള്‍ റിപ്പോര്‍ട്ട് തേടിയെന്നും  അപേക്ഷിച്ച് 24 മണിക്കൂറിനുള്ളില്‍ ലൈസന്‍സ് കിട്ടുക എന്നാല്‍ പ്രാഥമിക വീഴ്ച ഉണ്ട് എന്നത് വ്യക്തമാണെന്നും ലിജു പറഞ്ഞു.12 വര്‍ഷമായി ബാര്‍ അടഞ്ഞ് ബിയര്‍ പാര്‍ലറായി മാറിയ ഇടത്താണ് ലൈസന്‍സ് നല്‍കുന്നത്. അങ്ങനെ ഒരു സാഹചര്യത്തിലാണ് സര്‍ക്കാര്‍ നടപടിയെടുത്തത്.സസ്‌പെന്‍ഷന്‍ ശിക്ഷയല്ലയെന്നും  അന്വേഷണ വിധേയമായാണ് സസ്‌പെന്‍ഡ് ചെയ്തത്.വിജിലന്‍സ് അന്വേഷണം അടക്കമുള്ള സാധ്യത പരിശോധിക്കുമെന്നും മന്ത്രി പറഞ്ഞു .സര്‍ക്കാര്‍ നയം അട്ടിമറിക്കാന്‍ ആരെയും അനുവദിക്കില്ല.സാമൂഹ്യ ആഘാതം അടിസ്ഥാനപ്പെടുത്തിയായിരിക്കണം ലൈസന്‍സ്

അനുവദിക്കേണ്ടതെന്നാണ് സര്‍ക്കാര്‍ നിലപാട് എന്നും മന്ത്രി പറഞ്ഞു.സ്റ്റാര്‍ ലൈസന്‍സ് വാങ്ങിയാല്‍ ഉടന്‍ ബാര്‍ ലൈസന്‍സ് എന്നത് ശരിയല്ല. വിരമിച്ച ഉദ്യോഗസ്ഥര്‍ പോലും ലൈസന്‍സിന് വേണ്ടി അങ്ങ് ഇറങ്ങുകയാണ്. കഴിഞ്ഞ സര്‍ക്കാര്‍ പ്രവര്‍ത്തിച്ചതുപോലെ പ്രവര്‍ത്തിക്കാന്‍ അല്ല ഈ സര്‍ക്കാരിനെ തെരഞ്ഞെടുത്തത്. വിരമിച്ച ഉദ്യോഗസ്ഥര്‍ ലൈസന്‍സിന് വേണ്ടി ഇറങ്ങേണ്ടതില്ലയെന്നും . ഉദ്യോഗസ്ഥര്‍ അനധികൃതമായി സ്വത്ത് സമ്പാദിച്ചോ എന്നതടക്കമുള്ള കാര്യങ്ങള്‍ പരിശോധിക്കുമെന്നും മന്ത്രി പറഞ്ഞു .12 വര്‍ഷം ഇല്ലാതിരുന്ന ബാര്‍ ലൈസന്‍സ് ഒരു പേപ്പര്‍ കൊടുത്താല്‍ 24 മണിക്കൂറില്‍ കിട്ടുക എന്നത് അംഗീകരിക്കാന്‍ കഴിയില്ല. മുകള്‍ത്തട്ടില്‍ അറിയാത്ത നിലയിലായിരുന്നു കഴിഞ്ഞ എല്‍ഡിഎഫ് സര്‍ക്കാര്‍ ഒരു സിസ്റ്റം ഉണ്ടാക്കി വച്ചത് അത് തീരുത്തുമെന്നും എം ലിജു പറഞ്ഞു.