കസ്റ്റഡിയിലെടുത്ത ഫയലുകള്‍ വിശദമായി പരിശോധിക്കാന്‍ വിജിലന്‍സ് സംഘം , വിജിലന്‍സ് ഉത്തരമേഖല എസ്.പിയുടെ നേതൃത്വത്തില്‍ അന്വേഷണം

2026-11-04

കണ്ണൂര്‍ ജില്ലാ പഞ്ചായത്ത് മുന്‍ പ്രസിഡന്റ് പി.പി. ദിവ്യക്കെതിരായ വിജിലന്‍സ് അന്വേഷണത്തില്‍, കസ്റ്റഡിയിലെടുത്ത ഫയലുകള്‍ വിശദമായി പരിശോധിക്കാന്‍ വിജിലന്‍സ് സംഘം വിദഗ്ധരുടെ സഹായം തേടി . സ്വകാര്യ കമ്പനിക്ക് 12 കോടിയിലധികം രൂപയുടെ പദ്ധതികളുടെ കരാറുകള്‍ നല്‍കിയെന്നാണ് ആരോപണത്തിലാണ് അന്വേഷണം 

 പി.പി. ദിവ്യ പ്രസിഡന്റായിരുന്ന കാലത്ത്, ടെന്‍ഡര്‍ നടപടികള്‍ ഇല്ലാതെ 'കാര്‍ട്ടണ്‍ ഇന്ത്യ അലയന്‍സ് പ്രൈവറ്റ് ലിമിറ്റഡ്' എന്ന സ്വകാര്യ കമ്പനിക്ക് 12 കോടിയിലധികം രൂപയുടെ പദ്ധതികളുടെ കരാറുകള്‍ നല്‍കിയെന്നാണ് ആരോപണം . കണ്ണൂര്‍ ജില്ലാ പഞ്ചായത്ത് ഓഫീസില്‍ നടത്തിയ മിന്നല്‍ പരിശോധനയില്‍ മൊഡുലാര്‍ ടോയ്ലറ്റ് നിര്‍മാണം, എ.ബി.സി  കേന്ദ്രത്തിന്റെ നിര്‍മാണ പ്രവൃത്തികള്‍ എന്നിവയുമായി ബന്ധപ്പെട്ട അഞ്ച് നിര്‍ണായക ഫയലുകള്‍ വിജിലന്‍സ് സംഘം കസ്റ്റഡിയിലെടുത്തിട്ടുണ്ട് . കരാര്‍ ലഭിച്ച കാര്‍ട്ടണ്‍ ഇന്ത്യ കമ്പനി പി.പി. ദിവ്യയുടെ ബിനാമി കമ്പനിയാണെന്ന് കാണിച്ച് കെ.എസ്.യു സംസ്ഥാന വൈസ് പ്രസിഡന്റ് മുഹമ്മദ് ഷമ്മാസ് നല്‍കിയ പരാതിയിലാണ് അന്വേഷണം . പൊതുമേഖലാ സ്ഥാപനമായ സില്‍ക്ക്  വഴിയാണ് കാര്‍ട്ടണ്‍ ഇന്ത്യക്ക് ഈ കരാറുകള്‍ ലഭിച്ചത് എന്നതിനാല്‍ സില്‍ക്കിലെ ഉന്നത ഉദ്യോഗസ്ഥരിലേക്കും അന്വേഷണം നീളും. കൂടാതെ ദിവ്യയുടെയും ഭര്‍ത്താവിന്റെയും സ്വത്തുക്കളെക്കുറിച്ചും അന്വേഷണം നടക്കുന്നുണ്ട് . വിജിലന്‍സ് ഉത്തരമേഖല എസ്.പിയുടെ നേതൃത്വത്തിലുള്ള പ്രത്യേക സംഘമാണ് നിലവില്‍ ഈ അഴിമതി ആരോപണത്തില്‍ പ്രാഥമിക അന്വേഷണം നടത്തുന്നത്.