വൈദ്യുതി കരാര്‍, മുഖ്യമന്ത്രി പ്രഖ്യാപിച്ച സ്വകാര്യ കമ്പനി ജിഎന്‍എയ്ക്ക് എതിരെ ഗുരുതര ആക്ഷേപം

2026-11-05

കെഎസ്ഇബിയേയും വൈദ്യുതി വകുപ്പിനെയും തള്ളി വൈദ്യുതി വാങ്ങുമെന്ന് മുഖ്യമന്ത്രി വി ഡി സതീശന്‍ പ്രഖ്യാപിച്ച സ്വകാര്യ കമ്പനി ജിഎന്‍എയ്ക്ക് എതിരെ ഗുരുതര ആക്ഷേപം. മാര്‍ക്കറ്റില്‍ വിവരങ്ങള്‍ ചോര്‍ത്തിയതിന് ജിഎന്‍എയ്ക്ക് മുമ്പ് സെബി പിഴ ചുമത്തിയതിന്റെ രേഖകള്‍ പുറത്തുവന്നു. അനധികൃത ഇടപാട് നടത്തിയെന്ന് ജിഎന്‍എയ്ക്ക് എതിരെ സെബിക്ക് പരാതിയും ലഭിച്ചിരുന്നു. ഇ-ടെന്‍ഡര്‍ പോലുമില്ലാതെ വൈദ്യുതി വാങ്ങാന്‍ സര്‍ക്കാര്‍ നടത്തിയ നീക്കങ്ങളില്‍ ദുരൂഹതയെന്നാണ് പ്രതിപക്ഷ ആരോപണം.

കെഎസ്ഇബിയേയും വൈദ്യുതി വകുപ്പിനെയും തള്ളി വൈദ്യുതി വാങ്ങുമെന്ന് മുഖ്യമന്ത്രി വി ഡി സതീശന്‍ പ്രഖ്യാപിച്ച സ്വകാര്യ കമ്പനി ജിഎന്‍എയ്ക്ക് എതിരെയാണ്  ഗുരുതര ആക്ഷേപം ഉയര്‍ന്നിരിക്കുന്നത് . മാര്‍ക്കറ്റില്‍ വിവരങ്ങള്‍ ചോര്‍ത്തിയതിന് ജിഎന്‍എയ്ക്ക് മുമ്പ് സെബി പിഴ ചുമത്തിയതിന്റെ രേഖകള്‍ പുറത്തുവന്നു  . അനധികൃത ഇടപാട് നടത്തിയെന്ന് ജിഎന്‍എയ്ക്ക് എതിരെ ടഋആക ക്ക് പരാതിയും ലഭിച്ചിരുന്നു. ഇ-ടെന്‍ഡര്‍ പോലുമില്ലാതെ വൈദ്യുതി വാങ്ങാന്‍ സര്‍ക്കാര്‍ നടത്തിയ നീക്കങ്ങളില്‍ ദുരൂഹതയെന്നാണ് പ്രതിപക്ഷ ആരോപണം.വിപണിയില്‍ വന്‍ തിരിമറികള്‍ക്ക് കേന്ദ്ര റെഗുലേറ്ററി കമ്മീഷന്റെ പിഴയും വിലക്കും വാങ്ങിയ കമ്പനിയാണ് ജിഎന്‍എ. ഇന്ത്യന്‍ എനര്‍ജി എക്‌സ്‌ചേഞ്ച് ലിമിറ്റഡ് ഇടപാടില്‍ ഇവര്‍ വന്‍ ക്രമക്കേട് നടത്തിയതായി സെബി നടത്തിയ പരിശോധനയില്‍ കണ്ടെത്തിയിരുന്നു. വിപണിയിലെ മാര്‍ക്കറ്റ് കപ്ലിംഗ് സംബന്ധിച്ച അതീവ രഹസ്യ സ്വഭാവമുള്ള ഔദ്യോഗിക വിവരങ്ങള്‍ ജിഎന്‍എ 2025-ല്‍ ചോര്‍ത്തി.ഇതിലൂടെ വന്‍ ലാഭം കൊയ്യുകയും ചെയ്തു.തുടര്‍ന്ന് ലഭിച്ച ഗുരുതരമായ പരാതികളുടെ അടിസ്ഥാനത്തില്‍ സെബി ഈ അനധികൃത ഇടപാടിന് പൂട്ടിടുകയായിരുന്നു .ഇതിന് പുറമെ കേന്ദ്ര റെഗുലേറ്ററി കമ്മീഷന്റെ വകയായുള്ള പ്രത്യേക അന്വേഷണവും കമ്പനി നേരിട്ടു. ഇങ്ങനെ ദുരൂഹതകള്‍ നിലനില്‍ക്കവയാണ് വൈദ്യുതി വാങ്ങലില്‍ മുഖ്യമന്ത്രിയുടെ പരസ്യ പ്രഖ്യാപനം നടത്തിയത്. മുഖ്യമന്ത്രിയുടെ നിലപാട് വിരല്‍ ചൂണ്ടുന്നത് വലിയ അഴിമതിയിലേക്കെന്ന് സിപിഐഎം ആരോപിച്ചു . അഞ്ച് ലക്ഷം രൂപയ്ക്ക് മുകളിലുള്ള ഏത് വൈദ്യുതി വാങ്ങല്‍ കരാറുകള്‍ക്കും രാജ്യത്ത് ഇ-ടെന്‍ഡറിംഗ് നിര്‍ബന്ധമാണ്. എന്നാല്‍ അതൊന്നും പാലിക്കാതെ ജിഎന്‍എ എന്ന സ്വകാര്യ കമ്പനിയുമായി സര്‍ക്കാര്‍ കൈകോര്‍ത്തതിലും സംശയങ്ങള്‍ ഉയരുകയാണ് .